“Ɛhɛlɛlɛ yɩ munwatĩĩ ɩzʋ̃ Nyamɩnlɩ yi munwa nu.”—2 Timoti 3:16, Nhyɩhyɛlɩyɛ Fʋlɔ Aɣɩnda Bayɩbʋlʋ.

Ɛbɩlawɔlɛ nu ndwokɔɣizialɛ mɔɔ ɔnwʋmɔ ihyinyia nwʋ munwalɩyɛ mɔ ɩtɔ azʋnlɩ nu.—Matiyu 5:6; 7:7, 8.

Eɣile bela nu ɛbɩlawɔlɛ nwʋ ɔhʋanɩhilelɛ mɔɔ ɔkɔhʋla ɛkɛva wʋ nwʋ ekediã zʋ.—Hibulumaa 4:12.

Anyɩnlɩlazʋ baaba ma eɣile be.—Wulomimaa 15:4.

Nyɛ, sianti asã be ti:

• Bayɩbʋlʋ yɩ nu ndwokɔ iyiyia pɛpɛɛpɛ ma ɩyɛ nnwʋánlɩ. Mmenii azʋlʋtʋ 40 yɛɛ bɛhɛlɛlɩ Bayɩbʋlʋ yɩ a, na bɛvalɩ alʋbɔ mɔɔ ɩbʋ 1,600 yɛ bɛva bɛhɛlɛlɩ a. Nɩ ebiyemmɔ po bézi bɔ nwʋ. Naasʋ̃, Bayɩbʋlʋ yɩ nu awuuku munwala iyiyia pɛpɛɛpɛ na numɔ ndwokɔ ɩhyɛ Nyamɩnlɩ yɩ dima nɩɩ ɩ tumililɛ animinyiamɩ.

• Bayɩbʋlʋ ɛhɛlɛlɛmaa bedi nɔhʋanlɛ. Mmenii mɔɔ bɛkɛlɛ tɩɩtɩɩ ndwokɔ bɔ mmɔdɩnɩ kɛɛ bɛkɛɣɩda bɛ manlɩmaa bɛ mfʋmɩ zʋ. Mɔ ɩma Bayɩbʋlʋ ɩhɛlɛlɛ ɩyɛ sʋnʋnkʋ̃ nɩ, ɩhɛlɛlɛmaa nɩ hɛlɛlɩ bɛzabɛ bɛ mfʋmɩ ɩnɩ bɛ manlɩmaa dɩyɛ nɩ munwatĩĩ wɔ numɔ.—Egyima 7:51-53; Galatiyiamaa 1:13, 14.

• Bayɩbʋlʋ ɩdɩ nkɔmɩhyɛlɛ buuku mɔɔ yɛkʋla yɛfa yɛnwʋ yetiã ɔzʋlɔ. Bayɩbʋlʋ ɩhanlɩ Mɛzaya ɩawʋbɔ nwʋ odwokɔ idianlɩ ɛkɛnɩ kɛyɛ alʋbɔ 700 ansaana bɛbawʋ yɩ. Bɛhɛlɛlɩ kɛɛ sa bɔwʋ yɩ wɔ Bɛtɩlɛhamɩ, twonwa ɛgyɩkɩ̃ɩ̃ be mɔɔ ɩwɔ Dwudiyia azɩlɛ yɩ zʋ. (Micah 5:2, New World Translation) Ɛhɩnla dɩka pɔkyɩ̃ɩ̃ yɛɛ bɔwʋlɩ Gyisɛsɩ a? Amba, ɔzɔ twonwa yɩ nu la yɛ bɔwʋlɩ yɩ a!—Matiyu 2:1-6.

  Nkɔmɩhyɛlɛ azʋlɔtʋ mɔɔ ɩwɔ Bayɩbʋlʋ yɩ nu sʋ̃maa zɛ ɩɣalɩ numɔ mɔ onumɔ twɔntwɔlɩba po ɩátɔ azɩ. Asʋ̃ kɛ ɔzɔ yɛɛ yekila ɔhʋanɩ kɛɛ Nyamɩnlɩ yɩ Odwokɔ ɩkɛyɛ a?—2 Pita 1:21.