BUSHE umuntu kuti atwalilila uwa cishinka kuli Lesa nga nakwata amafya ayakalamba sana kabili nga takwate ne fikwata nelyo ifyuma? Ifi e fyo Satana alandile pali Yobo kabili Yobo alicitile ifyalenge icishinka caishibikwe.

Ilyo abena Israele bali mu Egupti, Yobo lupwa wa kwa Abrahamu aleikala mupepi na ku Arabia. Lyena ilyo bamalaika ku muulu balongene pa ntanshi ya kwa Lesa, Satana cipondoka na o epo ali. Ilyo balongene Yehova alilandile ifyo acetekele umubomfi wakwe uwa cishinka Yobo. Na kuba Yehova atile takwali umuntu nangu umo uwali ne cishinka nga Yobo. Lelo Satana atile Yobo alebombela Lesa pa mulandu wa kuti Lesa alemupaala kabili alemucingilila. Satana na kabili alandile ukuti nga ca kuti Yobo bamupoka fyonse ifyo akwete, ali no kutuka Lesa.

Ilyo abena Israele bali mu Egupti, Yobo lupwa wa kwa Abrahamu aleikala mupepi na ku Arabia. Lyena ilyo bamalaika ku muulu balongene pa ntanshi ya kwa Lesa, Satana cipondoka na o epo ali. Ilyo balongene Yehova alilandile ifyo acetekele umubomfi wakwe uwa cishinka Yobo. Na kuba Yehova atile takwali umuntu nangu umo uwali ne cishinka nga Yobo. Lelo Satana atile Yobo alebombela Lesa pa mulandu wa kuti Lesa alemupaala kabili alemucingilila. Satana na kabili alandile ukuti nga ca kuti Yobo bamupoka fyonse ifyo akwete, ali no kutuka Lesa.

Abaume batatu ifibusa fya kwa Yobo balilemutandalila. Mu mashiwi balandile ayaba mu fipande ifingi ifyaba mwi buuku lya kwa Yobo, aba baume balefwaya Yobo asumine ukuti Lesa e walemukanda pa membu isho alecita mu bumfisolo. Balandile no kuti Lesa tatemwa ababomfi bakwe kabili tabacetekela. Yobo alikeene ifya bufi ifyo balelanda. Yobo abebele ukuti ali no kutwalilila ukuba uwa cishinka kufikila ne mfwa yakwe!

Na lyo line Yobo alilufyenye pantu abikile amano ku kuilungamika. Elihu uwalipo umwaice kabili uwalekutika ilyo aba bambi balelanda ukubikako fye na Yobo nao asukile alandapo. Elihu alikalipile Yobo pa fyo afililwe ukusumina ukuti, ukulenga caishibikwa ukuti Yehova Lesa e walinga ukuteka mu muulu na pano isonde kwalicindeme sana ukucila ukukanasanga umuntu uuli onse no mulandu. Na kabili Elihu alikalipile sana ifibusa fya kwa Yobo.

Lyena Yehova Lesa alilandile na Yobo kabili alimulungike. Yehova alandile pa fikalamba ifyo abumba pa kulanga Yobo ifyo umuntu acepa nga kumulinganya ku fyo Lesa akula. Yobo ali-icefeshe kabili alisumine ilyo Lesa amulungike. Apo Yehova “wa nkumbu nga nshi kabili wa luse,” alyundepe Yobo, alimupeele icuma ukucila ne cuma akwete pa kubala kabili alimupeele na bana 10. (Yakobo 5:11) Filya Yobo atwalilila ukuba uwa cishinka ilyo ali na mafya ayakalamba, alilengele caishibikwa ukuti ifyo Satana alandile ukuti abantu te kuti babe ne cishinka kuli Lesa nga baeshiwa bufi ubwa fiita fititi.

Ukulingana ne buuku lya kwa Yobo..