« Yálá [...] kaa pai di wɔlɔ ɲɛiya kələi di ɲɛi, haa hwa kəa kɛ laa, haa wɔlɔ ɓo mɛni hwa kɛ ɉu, woolaa hwa kəa kɛ laa, da mɛni nwanaa. » — Kulɔ ponoŋa 21:3, 4.

Ya laa na, yii Yálá hwəi a mɔnɔ laa gu mɛi. — Zaakə 1:13.

Ə́ hwaɲalɔ mɛni, maahɔlɔɓo, Yálá kili kaa gu wɔ mɔnɔɠaa hu. — Zakali 2:8, Traduction du monde nouveau.

Kilitɔɔmaa laa yii hwilɛn na mɔnɔ kpɛɛ mɛni ɓa. — Somə 37:9-11, TMN.

Mɛni hweelɛ maa mɛni ɓa :

• Mɔnɔ da hulu, di wɛli kpɛɛ Yálá ɓa. Tolo-tolo, di kɛi mɔnɔ laa Zehova ŋɔ nu huwui mɛi, ə kiliŋahiɛ pələi yili ə kɛi hee la ɉu. Biblə yɛ Zehova kwəi ho nɛɛ, maahɔlɔɓo « nua di kɛi [...] mɔnɔ laa di mɛi. » — Kiti tee nua 2:18, TMN.

  Nua da mɛni ɲɔn gɛ a di ɓəlaa, di wɛli kpɛɛi Yálá ɓa kpɔ kɛnɛ. Yɛ pələi Biblə kaa moi la, « təlimo mun ɲama puɔ » wɛli kpɛɛ Zehova ɓa. — Haŋɔn 6:16, 17, TMN.

• Gu tɛi-tɛi gu maa liihɛlɛn gaa Yálá ɓa. Guɔ tɔ́nɔ́ lɔ hwəi « gu wɔ palaɠaa da gu wɔ mɔnɔɠaa kɔlɔn », Zehova yaa kpɛli ə di kɔlɔn. — Kolonikə veelɛnaa 6:29, 30, TMN.

  Zehova kaa pai nu tɛi-tɛi kəlee ŋɔ mɔnɔɠaa kpɛɛi ŋɔ tɔɔlaa haalai. (Matie 6:9, 10). Ə lɛɛ la ɉu naalowai yɛ ɉəlii, nua da gwɛli kpɔ a neelee, a di hwaŋalɔ. — Túwɔ́ pələ hɛɓɛ 17:27 ; Kɔlɛntə veelɛnaa 1:3, 4.