“මුළු ශුද්ධ ලියවිල්ලම ලියා තිබෙන්නේ දෙවිගේ මඟ පෙන්වීම තුළිනි.”—2 තිමෝති 3:16, නව ලොව පරිවර්තනය.

ජීවිතයේ වැදගත් ප්‍රශ්නවලට උත්තර ලැබෙනවා.—හිතෝපදේශ 2:1-5.

එදිනෙදා ජීවිතයට මඟ පෙන්වීම් ලැබෙනවා.—ගීතාවලිය 119:105.

සැබෑ බලාපොරොත්තුවක් ලැබෙනවා.—රෝම 15:4.

ඔව්. හේතු තුනක් බලන්න.

• අදහස් ගැටෙන්නේ නැහැ. සම්පූර්ණ බයිබලයම ලියන්න අවුරුදු 1,600ක් ගත වුණා. ඒක ලිව්වේ විවිධ පසුබිම්වල හිටිය මිනිස්සු 40දෙනෙක්. ඒ අය අතරින් හුඟදෙනෙක් එකිනෙකාව හඳුනන්නෙත් නැහැ. ඒ වුණත් ඒක ලියලා තියෙන්නේ එකම තේමාවක් ඔස්සෙයි.

• ලේඛකයන් අවංකයි. සාමාන්‍යයෙන් හුඟක් ඉතිහාසඥයන් තොරතුරු වාර්තා කරද්දී ඒ අය ජාතියක් හැටියට ලැබුව පරාජයන් ගැන සඳහන් කරන්නේ නැහැ. හැබැයි බයිබලය ලියපු අය ජාතියක් විදිහට ඒ අය ලැබුව පරාජයන් ගැන විතරක් නෙවෙයි තමන් අතින් වුණු වැරදි ගැනත් සඳහන් කරලා තියෙනවා.—2 ලේකම් 36:15, 16; ගීතාවලිය 51:1-4.

• අනාවැකි අකුරටම ඉටු වුණා. බැබිලෝනිය නම් නගරය විනාශ වෙන්න අවුරුදු 200කට කලින් ඒ ගැන බයිබලයේ සඳහන් වෙලා තිබුණා. (යෙසායා 13:17-22) ඒ නගරය විනාශ වෙන විදිහ ගැන විතරක් නෙවෙයි ඒක විනාශ කරන කෙනාගේ නම ගැනත් හෙළි කරලා තිබුණා.—යෙසායා 45:1-3.

  බයිබලයේ සඳහන් වෙලා තියෙන තවත් අනාවැකි බොහොමයක් අකුරටම ඉටු වෙලා තියෙනවා. බයිබලය දෙවියන්ගේ මඟ පෙන්වීමෙන් ලියවුණු පොතක් බව අපි බලපු මේ හැම තොරතුරකින්ම පැහැදිලි වෙන්නේ නැද්ද?—2 පේතෘස් 1:21.