“E fakatupu anai e te Atua o te atu lagi he puleaga ae e mole toe maumaui anai i he aho.”​—Taniela 2:44.

“Kua foaki mai kia matou he foha, pea e hili anai te pule i tona fugauma.” ​—Esaia 9:⁠5.

• ʼE ko he puleʼaga faitotonu ʼe fua manuʼia anai kia koutou.​—Esaia 48:​7, 18.

• ʼE tou maʼuli haohaoa pea mo fiafia anai ʼi he malama foʼou.​—Apokalipisi 21:3, 4.

ʼEi, pea ko ʼona tupuʼaga ʼe lua:

• Neʼe fakaha e Sesu pe kotea ʼae ka fakahoko anai e te Puleʼaga ʼo te ʼAtua. Neʼe akoʼi e Sesu ki ʼana tisipulo ke natou faikole ke hoko mai ia te Puleʼaga ʼo te ʼAtua pea ke fai ia tona finegalo ʼi te kele. (Mateo 6:9, 10) Neʼe fakaha e Sesu pe ʼe hoko feafeaʼi anai te faikole ʼaia.

  ʼI tana ʼi te kele, neʼe fafaga e Sesu ia te hahaʼi pakupaku, mo fakamalolō ia te hahaʼi mahaki pea mo fakatuʼuake te kau mate! (Mateo 15:29-38; Soane 11:38-44) ʼI tona ʼuhiga Pule ʼo te Puleʼaga ʼo te ʼAtua ʼi te ka haʼu, neʼe fakaha e Sesu ia te ʼu aluʼaga taulekaleka ʼae ka fakahoko anai e te Puleʼaga.—Apokalipisi 11:15.

• ʼE fakamoʼoni e te ʼu aluʼaga ʼo te malamanei ia te kua vave hoko mai ʼo te Puleʼaga ʼo te ʼAtua. Neʼe fakakikite e Sesu ʼe hoko anai ni tau, mo ni hoge, pea mo ni mafuike ʼi te malamanei ʼi muʼa pe ʼo te fakatuʼu e te Puleʼaga ia te tokalelei ʼi te kele.​—Mateo 24:3, 7.

  ʼI te temi nei, ʼe tou sisio ki te ʼu aluʼaga fuli ʼaia. Koia ʼe tou lotofalala ʼe kua vave haʼu te Puleʼaga ʼo te ʼAtua ʼo pulihi te ʼu fihifihia fuli