АЗҴААРА 6
Иарбан ԥааимбаражәақәоу Мессиа изкны Абиблиа заа иаҳәахьаз?
АԤААИМБАРАЖӘА
«Уара, Вифлеем Ефрафа... уара сара сзы духылҵуеит Израиль напхгаҩыс иҟало»
(Михеи 5:2).
ИШЫНАӠАЗ
«Аҳ Ирод ихаан иудеиатәи Вифлеем ақалақь аҿы диит Иисус. Уи ашьҭахь Мрагыларантәи астрологцәа Иерусалимҟа инеит»
(Матфеи 2:1).
АԤААИМБАРАЖӘА
«Рыбжьара сымаҭәа ршон, ҵаҟатәи сымаҭәа азы аҵәы ҭарыԥсон»
(Аԥсалом 22:18).
ИШЫНАӠАЗ
«Аруаа Иисус ашьаҟа данкыдырҵа, хыхьтәи имаҭәа рган, ԥшьыџьара [иршеит]... ...Аха ҵаҟатәи имаҭәа аӡахырсҭа амаӡамызт, ахы инаркны акалҭ аҟынӡа исны иҟан. Усҟан дара ус еибырҳәеит: „Шәааи иԥаҳамжәап, изтәхо ҳаӡбарц азы аҵәы ҭаҳаԥсап“»
АԤААИМБАРАЖӘА
«Иара уи ибаҩқәа акгьы рмыхьырц дырхылаԥшуеит, урҭ рахьтә баҩыкгьы ԥҵәам»
(Аԥсалом 34:20).
ИШЫНАӠАЗ
«Иисус иахь ианнеи, дшыԥсхьаз рбеит, убри аҟынтә ишьапқәа ԥырымҵәаӡеит»
(Иоанн 19:33).
АԤААИМБАРАЖӘА
«Иара ҳагәнаҳақәа рзы аԥса илаҵан»
(Исаиа 53:5).
ИШЫНАӠАЗ
«Аруаа руаӡәк Иисус ивара аԥса налаикшан, уантәи иаразнак ашьеи аӡи дәықәлеит»
(Иоанн 19:34).
АԤААИМБАРАЖӘА
«Дара 30 раӡны сзыршәеит»
(Захариа 11:12, 13).
ИШЫНАӠАЗ
«Усҟан Иуда Искариот зыхьӡыз, 12-ҩык ируаӡәкыз, аԥшьаҩ еиҳабацәа рахь дцан, ус дразҵааит: „Иисус дшәысҭар, шаҟа сзышәшәои?“ Дара 30 раӡны идыргалеит»
