PWONY ME 10
Itwero Ngeyo Woro me Ada Nining?
1. Dini me ada mono tye acel keken?
“Wugwokke i kom lunebi ma lugoba.”—MATAYO 7:15.
Yecu opwonyo lulub kore ki dini acel keken, ma en aye dini me ada. Obedo calo yo ma tero dano i kwo ma pe tum. Yecu owacci: “Jo ma nongo yo meno ginok.” (Matayo 7:14) Lubanga jolo woro ma jenge i Lokke ma tye i Baibul keken. Lukricitayo me ada gunote i niye acel.
2. Yecu oloko gin ango i kom Lukricitayo ma lugoba?
““Gituco ki doggi ni gingeyo Lubanga, ento dok gikwere woko ki gin ma gitimo.”
Yecu ociko ni lunebi ma lugoba gibimedo pwony goba i kom pwony pa Lukricitayo. Ki woko, ginen calo luworo me ada. Dinigi waco ni gin aye Lukricitayo. Ento, watwero niang i ada ni pe gubedo Lukricitayo me ada. Nining? Woro me ada keken aye twero nyako Lukricitayo me ada, ma kitgi mabeco ki yo me kwogi nen woko ka maleng.
3. Itwero ngeyo luworo me ada nining?
Tam i kom lanyut abic ma kiryeyogi piny kany:
-
Gitute me lubu cik ma tye iye. Pi meno, dini me ada pat ki dini ma pwonygi jenge i kom tam pa dano adana-ni. (Matayo 15:7-9) Luworo me ada giketo gin ma gipwonyo i tic.
—Kwan Jon 17:17; 2 Temceo 3:16, 17. -
Yecu oworo nying Lubanga ki miyo ni ongene. En okonyo dano me ngeyo Lubanga dok opwonyogi me lega ni kiwor nying Lubanga maleng-ngi. (Matayo 6:9) Ka ma in ibedo iye, dini mene ma tito ki dano nying Lubanga?
—Kwan Jon 17:26; Jo Roma 10:13, 14. -
Lubanga ocwalo Yecu ka tito kwena maber me Ker-ri. Ker pa Lubanga keken aye gen pa dano ducu. Yecu omedde ki tito lok i kom Ker-ri nio wa i nino me tone. (Luka 4:43; 8:1; 23:42, 43) En owacci lulub kore gibitito bot dano lok i kom Ker-ri. Ka ngat mo obino boti ci ocako lok i kom Ker pa Lubanga, ibitamo ni en obedo dano me dini mene?
—Kwan Matayo 24:14. -
Itwero ngeyogi pien pe gidonyo i lok me wibye nyo i tim me jemo i kom gamente. (Jon 17:16; 18:36) Pe bene gilubo kit ki tim maraco me lobo-ni.
—Kwan Yakobo 4:4. -
Gupwonye ki i Baibul, me woro dano me kaka mapat pat. Kadi bed dini me goba pol kare gicwako lweny i kin lobe mapatpat, luworo me ada pe gitimo kit meno. (Mika 4:1-3) Ma ka meno, Lukricitayo me ada gijalo cawagi kacel ki jamigi me konyo ki cuko cwiny jo mukene.
—Kwan Jon 13:34, 35; 1 Jon 4:20.
4. In tika dong itwero ngeyo dini me ada?
Dini mene ma jengo pwonye ducu i Lok pa Lubanga, woro nying Lubanga, dok tito ni Ker pa Lubanga keken aye gen pa dano ducu? Dini mene ma ginyutu mar dok gikwero lweny? In itamo ningo?
