Gin ma Yecu Otimo

Pwony Ango ma Wanongo ki Bot Yecu?

2. Ka wapwonyo i yo ma niang iye yot, wi dano pe biwil i kom gin ma wapwonyogi dok wabigudo cwinygi.

 Lub Lanen pa Yecu

3. Pe ilok tutwal. Me ka tito jami ducu ma ingeyo i kom pwony moni, ket cwinyi i kom gin ma kinyamo i buk ma wutye ka tic kwede me kwan. I nge penyo lapeny, di cwinyi kun ikuro latin kwanni me miyo lagam. Ka en pe ngeyo lagam nyo omiyo lagam ma pe rwatte ki pwony me Baibul, ti ki lapeny mukene me konye me tam i kom lok meno. Ka dong latin kwanni oniang lok ma pire tek, wutwero medde anyim.

4. Kony latin kwanni me tic ki ngec ma en dong tye kwede me konye niang pwony manyen. Me labolle, ma peya wucako nyamo pwony madok i kom nicer, wutwero wot wiye wiye i kom gin ma latin kwanni dong opwonyo madok i kom kit ma jo muto gitye kwede.

5. Ti ki lapor ki diro. Ma peya itiyo ki lapor mo, pennye kekeni ni:

1.    ‘Tika lapor man niang iye yot?’

2.   ‘Latin kwanna mono biniang iye?’

3.   ‘Tika biweko latin kwanna wiye po i kom pwony ma pire tek—ento pe i kom lapor keken?’