Tika i kare mogo inongo ni tek me po i kom gin ma ia ka kwanone? Meno gin ma timme i kom wan ducu kare ki kare. Gin ango ma twero konyi? Wot wiye wiye i kom lok mogo ma pigi tego.

Ka itye ka kwan, cung kong manok kare ki kare me lwodo gin ma ia ka kwanone-ni. Man aye gin ma lakwena Paulo ocuko cwiny omegine ki lumegine me timone. En owaco ni: “Kombeddi gin ma pire dit ma watye ka lokone kany en ene.” (Ibru 8:1) I yo meno, en okonyogi me niang lokke ki kit ma jami ducu ma ewaco kubbe kwede ki wi lokke.

Gwok nyo itwero tic ki dakika apar mo i nge tyeko kwanni me tam i kom lok ma pigi tego loyo ma ia ka kwanone. Ka inongo ni wi pe twero po maber i kom lok ma ikwanogi, ci dok cen inen wi lok matino nyo ikwan lain mukwongo ma i paragraf acel acel me poyo wi. Ka ipwonyo gin mo manyen, tem titone kun itiyo ki nyig lok ma megi. Ka iwoto wiye wiye i gin ma ikwano, ci bibedo yot boti me po i kom gin ma ikwano. Ibiniang bene maber i kom kit ma itwero ketone kwede i tic i kwoni.