Pe. Me ka meno, i kare ma waniang ni niyewa pe rwatte ki pwony me Baibul, watimo alokaloka ma mitte i niyewa.

 Onongo wakwano Baibul kadi wa ma peya wacako goyo Baibul me New World Translation of the Holy Scriptures i 1950. Wabedo ka tic ki Baibul ma onongo tye i kare meno, dok watiyo ki ngec ma wanongo me moko niyewa. Nen kong me labolle jami mogo ma waye iye nicakke wacon, dok imok piri keni ka girwatte ki pwony me Baibul.

1.   Ngo ma waye iye: Lubanga pe adek i i acel [Triniti]. Wi lubele me Julai 1882 owaco ni: “Jo ma gikwano magajinwa gingeyo ni kadi bed waye i kom Jehovah, Yecu, kacel ki cwiny maleng, ento pe waye pwony ma waco ni Lubanga tye adek i kom acel, nyo ni Lubanga tye triniti.”

       “Ento ki tung botwa Lubanga tye acel, en Lubanga Won, ma jami ducu a ki bote, ma wan wabedo tye pire; dok bene tye Rwot acel keken, Yecu Kricito, ma miyo jami ducu bedo tye, wan bene wabedo tye pire.” (1 Jo Korint 8:6) Yecu kikome owaco ni: “Won dit kata.”—Jon 14:28.

2.   Ngo ma waye iye: Mac me kapiny ka ma kiwango iye dano pi naka pe. Kikwanyo wi lok madit me Zion’s Watch Tower me Juni 1882 ki i Jo Roma 6:23 ma waco ni: “Mucara me Bal en To.” Dok kicoyo iye ni: “Lok ma i tyeng man niang iye yot adada. Ento tye me ur ni jo mapol ma giye i kom Baibul pud dok gipwonyo ni mucara me bal aye wang i mac me kapiny pi naka.”

        Gin me agikki ma Lubanga bitimo i kom lutim maraco pe obedo wangogi i mac me kapiny pi naka, ento ‘jwerogi woko ducu.’—2 Jo Tecalonika 1:9.

3.   Ngo ma waye iye: Ker pa Lubanga obedo gamente kikome, ento pe obedo gin mo ma tye i cwinywa. Wi Lubele me Decemba 1881 oloko i kom Ker pa Lubanga ni: “Ka Ker man ocako loc, ci bijwero ker mukene-ni woko ducu.”

     Ker meno manyen-ni bituro ker magi ducu ngidogi woko matitino, ci tyekogi woko ducu, en aye dong bicung bedo matwal.”—Daniel 2:44.

 Pe, watiyo ki Baibul mapatpat i ticwa me pwony. Ki lok ada, kadi bed ni wamiyo Baibul me New World Translation bot dano me nono, pud wabedo ki yomcwiny me kwano Baibul kacel ki jo ma gimito tic ki Baibul mukene.