Baiblo Mi Zugbahi A He Fonihi
A pee zugbahi kɛ mahi nɛ Baiblo ɔ wo a ta a he fonihi ngɛ “See the Good Land” womiyo ɔ mi saminya nɛ́ maa ye bua mo konɛ o ná Baiblo ɔ nɛ o maa kase ɔ he se kɛ pi si. Baiblo ɔ tu mahi, zugbahi kɛ hehi fuu a he munyu wawɛɛ. Ke o kɛ womiyo nɛ ɔ tsu ní ɔ, e maa ye bua mo nɛ o Baiblo kasemi maa nu tso. “See the Good Land” womiyo ɔ maa ye bua mo konɛ o po níhi nɛ o kaneɔ ngɛ Baiblo ɔ mi ɔ he foni, nɛ́ o le hehi nɛ Baiblo ɔ mi sane ɔmɛ ya nɔ ngɛ ɔ. Jehanɛ se hu ɔ, e maa ye bua mo konɛ o na bɔ nɛ hehi nɛ́ Baiblo ɔ mi sane ɔmɛ ya nɔ ngɛ ɔ sa bɔ nɛ níhi ya nɔ ɔ he ha.
O maa na zugbahi a he fonihi nɛ a pee mɛ saminya, kɛ he slɔɔtohi nɛ Baiblo ɔ tu a he munyu ɔ ngɛ “See the Good Land” womiyo ɔ mi. Jehanɛ hu ɔ, níhi nɛ a tɛni, fonihi nɛ a kɛ kɔmpiuta pee, kɛ ní kpahi nɛ maa ye bua mo konɛ o ná Baiblo ɔ nɛ́ o maa kase ɔ he se saminya a hu ngɛ womiyo nɛ ɔ mi.
Womiyo nɛ ɔ nɛ́ a pee zugbahi kɛ mahi nɛ Baiblo ɔ wo a ta a he fonihi ngɛ mi ɔ maa ye bua mo konɛ
o le hehi nɛ Abraham, Isak, kɛ Yakob hia blɔ kɛ ya
o na blɔhi nɛ Israel bi ɔmɛ gu nɔ benɛ a je Egipt kɛ yaa Si Womi Zugba a nɔ ɔ
o na he nɛ Israel bi ɔmɛ a zugba a ngɛ, kɛ he nɛ mahi nɛ a ji Israel bi ɔmɛ a he nyɛli ɔ hu ngɛ
o na hehi nɛ Yesu hia blɔ kɛ ya ngɛ e sɔmɔmi ní tsumi ɔ mi
o le hehi nɛ ma komɛ kaa Babilon, Hela, Roma kɛ ma kpahi nɛ Baiblo ɔ wo a ta a ye nɔ kɛ ya su
O ma nyɛ maa na womiyo nɛ ɔ ngɛ Watchtower ONLINE LIBRARY ɔ nɔ ngɛ Blɛfo gbi mi nɛ́ o kɛ ma nyɛ maa kase ní. O be he hiɔ woe.
Eko ɔ, O Bua Maa Jɔ Enɛ ɔ Hu He
BAIBLO KASEMI NÍHI
Ngmami Kɛ Ha Ligbi ɔ
O maa na ngmami pɔtɛɛ komɛ nɛ o ma susu a he ligbi fɛɛ ligbi, kɛ mi tsɔɔmi nɛ a kɛ ha ngɛ jamɛ a ngmami ɔ he ɔ ngɛ Mo Susu Ngmami ɔ He Daa Ligbi womi ɔ mi.
BAIBLO KASEMI NÍHI
Baiblo Encyclopedia
Insight on the Scriptures womi ɔ tu níhi fuu a he munyu. Níhi nɛ e tu a he munyu ɔ kɔɔ nimli, hehi, tsohi, lohwehi, ní komɛ nɛ ya nɔ nɛ a sa kadimi, kɛ Baiblo ɔ mi munyunguhi nɛ a sisi numi be tɛ̃ɛ ɔ he. Níhi nɛ a ngɛ nɔ́ nɛ a pee lɛ nɛ o ma nyɛ maa gbla a mi ɔ ekomɛ ji, zugba he foni, fonihi nɛ a po, nɔ́ he tomi níhi, kɛ jehanɛ hu munyuyi pɔtɛɛ ko kɛ ngmamihi nɛ a to nya.
BAIBLO KASEMI NÍHI
Baiblo Mi Sanehi Nɛ A Po Mɛ Kpiti
The Bible—What Is Its Message? womiyo ɔ tu Baiblo mi sane ɔmɛ tsuo a he munyu kpiti, nɛ e tsɔɔ munyuyi titli nɛ ngɛ Baiblo ɔ mi ɔ.