Nihi a nine nyɛɛɔ si ke nihi nɛ a he mɛ ye ɔ yi mɛ anɔkuale. Nihi fuu he we . . .

•   ma nɔ yeli nɛ a foɔ mɛ pɛ a nɔ mi se a fo we ni kpahi a nɔ mi ɔ yi.

•   amaniɛ bɔli nɛ a tui bɔ nɛ nɔ́ ko ya nɔ ha fitsofitso kɛ anɔkuale nɛ ngɛ sane ko mi ɔ yi.

•   je mi si kpali nɛ a pee we níhi nɛ he maa ba se nami kɛ ha ni kpahi ɔ yi.

•   jami hɛ mi nyɛɛli nɛ a kɛ a he woɔ ma ku dɔmi sanehi a mi mohu pe nɛ a maa tsɔɔ Mawu he anɔkuale ɔ yi.

 E da blɔ kaa nihi maa hyɛ saminya ngɛ nɔ nɛ a ma he lɛ ye ɔ he. Baiblo ɔ bɔ wɔ kɔkɔ ke:

•   “Koo ngɔ o hɛ kɛ fɔ adesa nɔ yelɔ ko nɔ; adesa ko be nyɛe ma he o yi wami.”​—La 146:3, Good News Translation.

  Baiblo ɔ wo nɔ ko nɛ o ma nyɛ he lɛ ye, nɛ ji Yesu Kristo ɔ nɔ ta. Tsa pi nɔmlɔ kpakpa ko kɛkɛ nɛ e hi si jehahi lafahi nɛ be ɔ ji lɛ. Mawu hla Yesu kaa “Matsɛ . . . , nɛ e Matsɛ Yemi ɔ se be poe.” (Luka 1:32, 33) Yesu ji Mawu Matsɛ Yemi ɔ nya Matsɛ, nɛ e matsɛ yemi ɔ ngɛ nɔ yee amlɔ nɛ ɔ ngɛ hiɔwe.​—Mateo 6:10.

•   Ke o suɔ nɛ o le nɔ́ he je nɛ o ma nyɛ he Yesu yeɔ, moo kane munyuyihi nɛ ji “Mɛnɔ Ji Mawu Matsɛ Yemi ɔ Nya Matsɛ?” kɛ “What Will God’s Kingdom Accomplish?”