•   “Ngɛ United States ɔ, nihi nɛ a wa bɔɔ ngɛ jeha mi ɔ a mi fã tsɔɔ kaa a nuɔ he be fɛɛ be kaa e piɛ mɛ pɛ, nɛ nihi titli nɛ a nuɔ he jã ji nihi nɛ a ye kɛ je jeha 18 kɛ ya si jeha 25.”​​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[World Health Organization] bɔ amaniɛ kaa, a hla ni komɛ nɛ́ a ní tsumi ji kaa a hyɛ nɛ a ye bua kɛ tsu nyagba nɛ ɔ nɛ́ ji he numi nɛ nihi náa kaa e piɛ mɛ pɛ ɔ he ní oya nɔuu, nɛ́ a wo nihi he wami nɛ a kɛ nihi nɛ bɔ be fɛɛ be, nɛ́ a hla blɔ kpakpahi fuu a nɔ nɛ a maa gu kɛ ye bua ma amɛ tsuo nɛ a nyɛ nɛ a tsu nyagba nɛ ɔ he ní ke ma nɛ ɔmɛ be sika po.”​​—World Health Organization, November 15, 2023.

 Baiblo ɔ kɛ ga womi kpakpahi nɛ maa ye bua wɔ ɔ haa wɔ ngɛ blɔ nɔ nɛ wa maa gu nɛ waa kɛ nihi maa bɔ huɛ kpakpa a he.

 Moo bɔ mɔde kaa o ma gbɔ níhi nɛ o peeɔ nɛ́ jeɔ mo kɛ jeɔ ni kpahi a he ɔ nɔ. Ní nɛ ɔmɛ eko ji social media nɛ́ daa nɛ ɔ, o maa hi nɔ yae. Nɔ́ nɛ o maa pee mohu ji, mo hlá he blɔhi nɛ o kɛ nihi nɛ bɔ konɛ o ná huɛmɛ kpakpahi.

•   Baiblo sisi tomi mlaa: “Huɛ nitsɛ jeɔ suɔmi kpo be fɛɛ be,nɛ e ji nyɛmi nɛ a fɔ kɛ ha haomi behi.”​​—Abɛ 17:17, New World Translation.

 Mo hla he blɔhi nɛ o kɛ pee níhi kɛ ye bua ni kpahi. Ke wa yeɔ bua ni kpahi ɔ, e haa nɛ huɛ bɔmi kpakpa hiɔ waa kɛ mɛ wa kpɛti, nɛ jehanɛ hu e haa nɛ wa bua jɔɔ wawɛɛ.

•   Baiblo sisi tomi mlaa: “Bua jɔmi babauu ngɛ nɔ́ hami mi pe nɔ́ ngɔmi.”​​—Ní Tsumi 20:35.

 Moo ya wa wɛbsaiti ɔ nɔ konɛ o na níhi fuu kɛ je Baiblo ɔ mi nɛ maa ye bua mo kɛ kɔ blɔ nɔ nɛ o maa gu kɛ bɔ huɛ kpakpahi ɔ he.