Yesu le bɔ nɛ nihi nuɔ he ha ke a pee mɛ yiwutso ní, nɛ a yi mɛ dami sane. Benɛ Yesu ngɛ zugba a nɔ ɔ, a po e nya, a kongo lɛ ngɛ blɔ nɛ sɛ nɔ, a kojo lɛ ngɛ blɔ nɛ dɛ nɔ, a bu lɛ fɔ, nɛ a wa lɛ yi mi kɛ ya si a gbe lɛ. E ngɛ mi kaa e pee we yayami ko mohu lɛɛ, se e je e suɔmi mi nɛ e “ngɔ e wami kɛ ha kaa kpɔmi nɔ́ nɛ e kɛ kpɔ̃ nihi babauu.” (Mateo 20:28; Yohane 15:13) Amlɔ nɛ ɔ nɛ e ji Mawu Matsɛ Yemi ɔ nya Matsɛ ɔ, e be kɛe nɛ e ma ha nɛ a ye dami sane ngɛ zugba a nɔ tsuo, nɛ e maa po yiwutso ní peepee se kulaa.​—Yesaya 42:3.

 Baiblo ɔ tsɔɔ bɔ nɛ je ɔ mi si himi maa hi ha ke Yesu bɔni níhi a he ní tsumi ngɛ zugba a nɔ:

•   “E piɛ bɔɔ nɛ o be yayami peeli nae hu; o ma hla mɛ ngɛ a hi he ɔmɛ, se o be mɛ nae. Nihi nɛ a he jɔ ɔ, mɛɛ a maa hi zugba a nɔ ngɛ kplɔkɔtɔ, kɛ tue mi jɔmi mi.”​—La 37:10, 11.

 Mɛni wa maa pee kɛ je hɛsa kpo ngɛ níhi tsuo nɛ Yesu pee kɛ níhi nɛ e be kɛe nɛ e maa pee kɛ ha wɔ ɔ he? Ngɛ Luka 22:19 ɔ, Yesu de e se nyɛɛli kaa a kai e gbenɔ ɔ. Enɛ ɔ he je ɔ, daa jeha a, Yehowa Odasefohi kpeɔ nɛ a kaiɔ Yesu gbenɔ ɔ. Wa ngɛ mo nine fɔe nɛ o ba piɛɛ wa he kɛ ye Yesu gbenɔ ɔ Kaimi ɔ ngɛ Hɔgba, March 24, 2024 ɔ nɔ.

Hla He Nɛ A Maa Pee Kaimi ɔ Ngɛ