O HƐ NƐ TSƐ̃! No. 2 2018 | Níhi 12 Nɛ Haa Nɛ Wekuhi Yeɔ Manye
Níhi 12 Nɛ Haa Nɛ Wekuhi Yeɔ Manye
Nihi deɔ níhi fuu ngɛ nɔ́ he je nɛ wekuhi fuu yi manye ɔ he. Se nyɛ ha nɛ wa susu ní komɛ nɛ haa nɛ wekuhi yeɔ manye ɔ he.
Ngɛ jeha 1990 ɔ mi kɛ ya si jeha 2015 ɔ mi ngɛ United States ɔ, nihi nɛ a ye pe jeha 50 nɛ a po gba mi ɔ bɔ he si enyɔ, nɛ nihi nɛ a ye pe jeha 65 nɛ a po gba mi ɔ bɔ he si etɛ.
Fɔli li nɔ́ nɛ a maa pee hu: Be mi nɛ ní leli komɛ tsɔɔ kaa e sa kaa fɔli nɛ a je a bimɛ a yi be fɛɛ be ɔ, ní leli komɛ hu tsɔɔ kaa e sa nɛ fɔli nɛ a pee kpɛii ngɛ a bimɛ a nɔ.
Nihewi kɛ Yihewi fuu nɛ a ngɛ wae mwɔnɛ ɔ ná we tsɔsemi nɛ maa ye bua mɛ konɛ a nyɛ nɛ a ye manye ngɛ si himi mi.
Se, anɔkuale sane ji . . .
Gba si himi ma nyɛ maa ye manye nɛ e hi si kɛ ya daa.
Fɔli ma nyɛ maa kase bɔ nɛ a maa je suɔmi mi kɛ tsɔse a bimɛ ha.
Nihewi kɛ Yihewi ma nyɛ ma ná tsɔsemi nɛ maa ye bua mɛ konɛ a ye manye ngɛ si himi mi.
Ngɛ mɛni blɔ nɔ? O Hɛ Nɛ Tsɛ̃! nɛ ɔ maa tu níhi 12 nɛ haa nɛ wekuhi yeɔ manye ɔ he munyu.
1: Ngɔɔ O Tsui Tsuo Kɛ Wo O Gba Si Himi ɔ Mi
Ga womihi etɛ nɛ maa ye bua nihi nɛ a sɛ gba si himi mi konɛ a gba si himi ɔ nɛ ye manye.
2: Kake Peemi Nɛ Hi Nyɛ Kpɛti
Anɛ o naa o yo ɔ loo o huno ɔ kaa nɔ ko nɛ o kɛ lɛ bla kɛ ngɛ tsu kake mi kɛkɛ lo?
3: Nyɛ Je Bumi Kpo Kɛ Ha Nyɛ Sibi
Moo kase munyu tutui kɛ ní peepeehi nɛ ma ha nɛ o yo ɔ loo o huno ɔ maa nu he kaa o buɔ lɛ.
4: Nyɛɛ Ngɔ Nyɛ Sibi A He Tɔmi Kɛ Ke
Mɛni maa ye bua mo konɛ o kɛ o juɛmi ko ma o yo ɔ loo o huno ɔ fã tɔmihi a nɔ?
5: Nyɛɛ Kɛ Nyɛ Bimɛ Nɛ Sɛɛ Ní
Níhi etɛ nɛ maa ye bua mo konɛ o hɛ kɛ su o bimɛ a he.
6: Nyɛ Tsɔse Nyɛ Bimɛ Ɔmɛ
Anɛ tsɔsemi ma ha nɛ bimɛ maa nu he kaa se nami be a he lo?
7: Nyɛɛ Ye Bua Nyɛ Bimɛ Nɛ A Ná Subai Kpakpa
Mɛni suhi nɛ e sa kaa o du kɛ wo o bimɛ a mi?
8: Nyɛɛ Pee Nɔ Hyɛmi Nɔ́ Kpakpa Kɛ Ha Nyɛ Bimɛ
Ke o suɔ nɛ o bimɛ ɔmɛ nɛ a ba a jemi kaa bɔ nɛ o ngɛ hlae ɔ, lɛɛ e sa nɛ o pee níhi nɛ o deɔ mɛ ɔ.
9: Moo Le Nɔ Nɛ O Ji
Mɛni nihewi kɛ yihewi maa pee kɛ fã a hemi kɛ yemi ɔ he?
10: Ha Nɛ A He Moo Ye
Hemi kɛ yemi nɛ o fɔli ma ná ngɛ o mi ɔ maa ye bua mo wawɛɛ ngɛ o si himi mi.
11: O Hɛ Mi Nɛ Wa Kɛ Ní Tsumi
Ke o kase bɔ nɛ a kɛ hɛ mi wami tsuɔ ní ha ngɛ o nihe kɛ o yihe mi ɔ, e maa ye bua mo konɛ o ye manye ngɛ nɔ́ fɛɛ nɔ́ nɛ o maa pee ngɛ o si himi mi ɔ mi.
12: Ngɔɔ Otihi Kɛ Ma O Hɛ Mi
Ke o su otihi nɛ o kɛ ma o hɛ mi ɔ he ɔ, e haa nɛ o nɔ gbagba tee, nɛ huɛ bɔmi nɛ ngɛ o kɛ ni kpahi nyɛ kpɛti ɔ mi waa, nɛ o náa bua jɔmi wawɛɛ.
Ní Kpahi Nɛ Ma Nyɛ Maa Ye Bua Wekuhi
Ga womi nɛ ngɛ Baiblo ɔ mi ɔ ma nyɛ maa ye bua mo konɛ o gba si himi ɔ nɛ ye manye, nɛ́ o weku si himi nɛ pee bua jɔmi.
