Bybelatlas
‘Sien die goeie land’ is ’n breedvoerige Bybelatlas wat jy kan gebruik om jou persoonlike Bybelstudie meer betekenisvol te maak. Die Bybel verwys na baie plekke, stede en lande. Wanneer jy hierdie atlas gebruik, kan dit jou help om jou in te leef wanneer jy die Bybel lees en studeer. ‘Sien die goeie land’ sal jou help om die plekke waar gebeure in die Bybel plaasgevind het, te vind en te visualiseer. Dit kan jou ook help om te verstaan hoe die ligging van plekke ’n uitwerking op die gebeure in die Bybel gehad het.
‘Sien die goeie land’ is vol kleurvolle kaarte en tabelle van verskillende gebiede in Bybeltye. Die Bybelatlas bevat ook diagramme, rekenaarafbeeldings en baie ander kenmerke wat jou kan help om jou persoonlike studie meer te geniet.
Hierdie Bybelatlas sal jou help om
die reise van Abraham, Isak en Jakob te verstaan
die roete te sien van die Israeliete se uittog uit Egipte na die Beloofde Land
die ligging van Israel te vergelyk met die vyande om hulle
te sien waar Jesus gereis het gedurende sy bediening
te sien hoe groot die gebied was van ryke wat in die Bybel genoem is, insluitende Babilon, Griekeland en Rome
Jy kan hierdie gratis Bybelatlas aanlyn op die Wagtoring – AANLYN BIBLIOTEEK vind.
Jy sal dalk ook hiervan hou
BYBELSTUDIEHULPE
Bybelvers vir die dag
Ondersoek die Skrif elke dag, of ’n teks vir die dag, gee jou ’n Bybelvers vir elke dag met ’n kort verduideliking oor daardie vers.
BYBELSTUDIEHULPE
’n Ensiklopedie oor die Bybel
Insight on the Scriptures in Engels bevat duisende breedvoerige inskrywings. Dit handel oor mense, plekke, plante, diere, belangrike gebeure en simboliese uitdrukkings in die Bybel. Die weergawe van hierdie ensiklopedie wat jy kan aflaai, sluit kaarte, foto’s en illustrasies in, sowel as ’n indeks van onderwerpe en skrifture.
BYBELSTUDIEHULPE
Opsomming van die Bybel
Die brosjure Die Bybel—Wat is die boodskap daarin? bevat ’n opsomming van die hele Bybel en beklemtoon die hooftema van die Bybel.