“Kila nzulo ɛdɩ. Dɩyɛ be ɩwɔ ɛkɛnɩ mɔɔ isi ɔhʋanɩ kɛɛ okonluma mɩ a?”—Egyima 8:36

Mɩnla ti yɛɛ ɩsɛ kɛɛ bonuma wʋ a, na mɩnla ɔhʋanɩ zʋ yɛ ɛkɛyɛ yɩ a?

Onlumanlɛ ikile kɛɛ ɔbʋ wʋ ɛbɩlawɔlɛ dadampɔ nɩ, na ɔwɔ ɛbɩla fʋlɔ tʋ kɛɛ ɛyɛɛ Nyamɩnlɩ yɩ apɛdɩ.

• Matiyu 28:19, 20

  Ihyinyia kɛɛ bonuma wʋ na ama wʋazʋ̃mɩ Gyehova.

• Psalm 40:8

  Onlumanlɛ ɩma ɩda ali ikile mmenii mvʋlɔ kɛɛ ɛpɛ kɛɛ ɔsʋ̃mɩ Gyehova.

• Matiyu 3:16

  Ɩsɛ kɛɛ bɛfa wʋ nwʋ munwala bowula anzɛnyɩɩ bonu nzulo yi nu ma ɔkɔ yɩ tʋ, kɛmɔ bɛva bɛyɛlɩ Gyisɛsɩ nɩ la.

“Sɛ yese yɛdɔ Nyamnɩlɩ a, nɩ ɩsɛ kɛɛ yedidi yɩ mmɛla nɩ zʋ. Yɩ mmɛla nɩ ɩáyɛ ɛzɩzɩbɛ mɔɔ yɛáhʋla ɔzʋlɔ didi a.”—1 Dwɔɔnʋ 5:3

Mɩnla ti mɔɔ íni kɛɛ ɛma wu kunlu itu kɛɛ ekeyila wʋ nwʋ zʋ ɛkɛma Gyehova a?

• Psalm 103:14; Isaiah 41:10

  Íni kɛɛ ɛyɛ enii mɔɔ tanɩ íni wʋ nwʋ ansaana wʋayila wʋ nwʋ zʋ wʋama Gyehova. Sa ɩbʋwa wʋ ma ɛyɛ mɔɔ ɩdɩ baaba.

• Kolosiyiamaa 1:10

  Ɔlɔlɛ mɔɔ ɔwɔ ma Gyehova nɩ, ɩkɔwʋwa wʋ ma ekeli bɔlɔ bela mɔɔ ekenyia kɛɛ ɛkɛma yɩ sa ikeziye azɩ nɩ zʋ.

“Mɔɔ mɩpɛ yɛ lɛ kɛɛ mɩkɛyɛ wʋ apɛdɩ, O mɩ Nyamɩnlɩ, na wʋ mmɛla nɩ ɩwɔ mɩ ahʋnlɩnɩ nu.”—Psalm 40:8

Sɛ ɛpɛ kɛɛ eyila wʋ nwʋ zʋ ɛma Gyehova a, mɩnla dɩyɛ yɛɛ ɩsɛ kɛɛ ɛyɛ a?

• Dwɔɔnʋ 17:3

  SUMÁ NYAMƖNLƖ ODWOKƆ Nwʋ́

  Gyehova nɩɩ Gyisɛsɩ Kɩlayɩsɩ bʋwɔ. Dʋdʋ mɔɔ osumaa bɔ nwʋ dɩyɛ nɩ, dʋdʋ nɩ la yɛ ɔkɔlɔ bɛ a.

• Hibulumaa 11:6

  MÁ WƲ DEDI NU ƖYƐ ƐZƖZƖBƐ

  Nyiá dedi kezile wɔ Nyamɩnlɩ yɩ anʋhʋba azʋlɔtʋ nɩɩ tumi mɔɔ ɩwɔ Gyisɛsɩ yɩ afɔlɩwɔlɛ mɔɔ ɩkʋla ide yɛ wɔ tanɩ nɩɩ owulo nu nɩ yi nu.

• Egyima 3:19

  NÚ WƲ NWƲ

  Eyi ikile kɛɛ, ekeli ɛyɛkɛ wɔ tanɩ bela mɔɔ ɛyɛ nɩ nwʋ.

  DANƖ WƲ NWƲ

  Eyi ikile kɛɛ, ekeyiaki nyɛlɩyɛ tanɩ bela ɩyɛlɛ na wʋayɛ dɩyɛ mɔɔ ɩdɩ baaba.

• 1 Pita 4:2

  YILÁ WƲ NNWƲANLƖ ZƲ

  Sɛ ɔbɔ Gyehova anʋhʋba wɔ mpayɩwɔlɛ nu kɛɛ ɔkɔzʋ̃mɩ yɩ na wʋama mɔɔ ɩpɛ nɩ la ɩayɛ wʋ azɩwʋwalɛ nu dɩyɛ titili a, nɩ ikile kɛɛ eyila wʋ nwʋ zʋ.