Le xexeɛ mɛɔ, amɛwo kpɔɛni mɔ yewoci akogo alo yewoci azɔge nɔ amɛwo. Doto ɖewo nu mɔ nɔ mìkpenɔdo mɛbuwo nuɔ, ádɔ yí mìaɖu akogocici ji.

•   “Nɔ mìkpenɔdo mɛ ciwo yí le eʒan mɛ nuɔ, ádɔ yí mìwo gbe aɖo ta yí akpedo mì nu mìaɖu akogocici alo azɔgenɔnɔ ji.”​—Instituts nationaux de la santé des États-Unis.

 Bibla nu enu ŋtɔŋtɔ ciwo mìatɛnŋ awa asɔ kpedo mɛbuwo nu. Nɔ mìwa do enyɔ ciwo enu jiɔ, átɛnŋ akpedo nu mìaɖu akogocici ji.

 Wanɔ xomɛvu. Ji emɔ ciwo ji àto anɔ ju koɖo mɛbuwo, vevitɔ ŋmɛŋmɛ. Lɔn faa ananɔ enu amɛ. Nɔ èwɛ ahan ɔ, ájeŋ nɔ wo yí woado akpe nɔ eo. Ecɛ atɛnŋ ana míava trɔ exlɔwo.

•   Bibla gɔnmɛɖose: “Mínanɔ nu amɛwo, yí amɛwo ana mí.”​—Luiki 6:38, NWT.

 Kpenɔdo amɛwo nu. Ji emɔ ciwo ji àto akpedo mɛ ciwo yí le cukaɖawo mɛ nu. Le kpɔwɛ mɛ, àtɛnŋ aɖo to wo koɖo vevisesedoanu alo awa enu ŋtɔŋtɔ ɖewo nɔ wo, nɔ cukaɖa lɔwo aɖe kpɔtɔ nɔ wo.

•   Bibla gɔnmɛɖose: “Exlɔ lɔnnɔ amɛ hweshahwenu.”​—Elododo Wema 17:17.

 Nɔ àkpɔ enɔ buwo so lé àwɛ anɔ kacaca nywi mɛ koɖo mɛbuwoɔ, hlɛn nyɔci ci yí nyi “Ƒomegbenɔnɔ Kple Xɔlɔ̃wo.”