Lé àwɛ aɖu le sugbɔ nɔ Bibla nukplakpla cɛ
Doŋkɔɔ, gbeje enuɖetinɔnyɔ kleŋ cɛ mɛ, yi godu naxo VIDEO lɔ.
AKPAXWE ŊKƆTƆ
Nɔ àdra nukplakpla ɖe do duuɔ, hlɛn akpaxwe ŋkɔtɔ nɔ nukplakpla lɔ. Biɔse ciwo wosɔ wemakui tritriwo ŋwlɛ (A) sɔ kpe nɔ kpukpui (B) lɔwo tɛ gbe do susu vevi lɔwo ji. Àkpɔ mɔ woŋwlɛ do kpukpui ɖewo gbɔ mɔ “hlɛn.” Nɔ èkpɔ ɖe ahan ɔ, èɖo ahlin koɖo egbe kɔyiji le enukplakpla lɔ hwenu.
AKPAXWE DODOMƐTƆ
Enyɔ ci wonu (C) do Ji dwi ni kpɔ doji gemɛ dasɛ susu ciwo mɛ woagbeje. Enyɔta hwɛhwɛ (D) lɔwo ɖe susu vevi lɔwo ti. Eo koɖo mɛ ci yí kplakɔ nu koɖo eo le hlɛn kpukpui lɔwo, aɖo biɔse lɔwo ŋci, yí agbekpɔ video lɔwo.
VIDEO dakavi lɔwo tɔxu akplɔ eo yi odio koɖo video ciwo yí wowa sɔ kpe nɔ enuŋwlɛŋwlɛ lɔwo gbɔ. Enu ciwo yí jɔ ŋtɔŋtɔ yí le video ɖewo mɛ. Le buwo mɛɔ, wadasɛwo yí wosɔ ŋciwo yí atɛnŋ ajɔ dru wa yí denyi ŋciwo yí jɔ pɛɛ koɖo mɛ lɔwo ŋtɔŋtɔwo yí wodadasɛ o.
Wa ɖaŋ aglo enutata koɖo foto (E) lɔwo kpɔ nywiɖe yí abu tamɛ kpɔ so lé àɖo biɔse ci yí le Mɛɖewo nunɔ mɔ (F) kpaxwe nu.
AKPAXWE KPƐTƐKPƐTƐ
Enu ci èkpla koɖo Enumɛtoto (G) yí wosɔ cu ta nɔ nukplakpla ɖekaɖeka. Ŋwlɛ azan ci gbe èɖegbɔ nɔ nukplakpla lɔ. Ðui awa nu cɛ (H) kpaxwe nu ŋɖewo ciwo èɖo awa. Le Kpɔ ŋcɛwo kpɔ (I) kpaxweɔ, àkpɔ nyɔta ɖewo ci àtɛnŋ ahlɛn alo video ɖewo ci àtɛnŋ akpɔ.
Yimɛnyɔwo
|
Akpaxwe 2 
|
Akpaxwe 3 
|
Akpaxwe 4 
|
Enumɛɖeɖe ciwo yí le vɔvɔnu |
Lé àwɛ akpɔnɔ Bibla kpaxwe ciwo woyɔ
Wema kpocuikpocui 66 yí le ju keŋ yí nyi Bibla lɔ pleŋ. Woma Bibla lɔ pleŋ do akpaxwe amɛve. Akpaxwe ŋkɔtɔ nyi Ebre koɖo Aramu Nuŋwlɛŋwlɛwo (“Enublabla xoxui”) yí akpaxwe vetɔ nyi Kristotɔwo Grɛki Nuŋwlɛŋwlɛwo (“Enublabla yoyu”).
Woŋwlɛnɔ mawunyɔkpukpui lɔwo koɖo Bibla wema (A) lɔ, eta (B) lɔ, koɖo hlɛnhlɛnmɛ alo hlɛnhlɛnmɛ lɔwo (C).
Le kpɔwɛ mɛ, nɔ woŋwlɛ Ʒan 17:3 ɔ, yi gɔnmɛ yí nyi Ʒan wema eta 17 tɔ hlɛnhlɛnmɛ 3.
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
