Кудайдыҥ Каандыгы — чын ла бар башкару. Оны Иегова Кудай тургускан. Агару Бичикте «Кудайдыҥ Каандыгы» «теҥеридеги Каандык» деп база адалат, не дезе, ол теҥеридеҥ башкарып јат (Марк 1:14, 15; Матфей 4:17). Бу башкару улустыҥ башкарузынаҥ јаан аҥыланбай да турган болзо, олордоҥ канча катапка артык болуп јат.

•   Башкараачылар. Бу Каандыктыҥ Кааны эдип, Кудай Иисус Христосты тургускан. Иисустыҥ Кудайдаҥ алган јаҥы улустаҥ турган башкараачылардыҥ јаҥына кӧрӧ, канча катапка јаан (Матфей 28:18). Иисустыҥ јаҥы јӱк ле туза экелет, нениҥ учун дезе Иисус бойын килеҥкей ле иженчилӱ Башкараачы деп кӧргӱзип салган (Матфей 4:23; Марк 1:40, 41; 6:31—34; Лука 7:11—17). Кудайга башкартып, Иисус бастыра албатылардаҥ улус талдап алган. Бу улус оныла кожо јерле башкарар (Ачылта 5:9, 10).

•   Башкарар ӧйи. Кудайдыҥ Каандыгы јаантайын солынып турган улустаҥ турган башкаруларга кӧрӧ «качан да бузылбас» (Даниил 2:44).

•   Улузы. Кудайдыҥ некелтелерин бӱдӱрип турган кандый ла укту кижи Кудайдыҥ Каандыгында јӱрер аргалу (Апостолдордыҥ ижи 10:34, 35).

•   Јасактары. Кудайдыҥ Каандыгыныҥ јасактарыла (эмезе јакылталар) болзо, улус бийик нравственный нормаларла јӱрер учурлу. Темдектезе, Агару Бичикте айдылат: «„Кайраканды, сениҥ Кудайыҥды, бастыра јӱрегиҥле, бастыра јулаҥла, бастыра санааҥла сӱӱп јӱр“. Јакылталардыҥ бажы, эҥ јааны ол. Ого тӱҥей экинчи јакылта бу: „Бойыҥды сӱӱгеҥдий, јуугыҥды сӱӱп јӱр“» (Матфей 22:37—39). Каандыктыҥ башкарузында јӱрер улус Кудайды ла јуугын сӱӱп турза, бой-бойын сананып, бой-бойына болужар.

•   Ӱредӱ. Кудайдыҥ Каандыгы улузына бийик нормалар тургузат ла олорды бу нормаларла келиштире јӱрерге ӱредип јат (Исаия 48:17, 18).

•   Амадузы. Кудайдыҥ Каандыгындагы башкараачылар улусты тузаланып, байыырга сананбай јат. Бу Каандык Кудайдыҥ табын, ол тоодо Кудайды сӱӱп турган улус јердеги райда ӱргӱлјиге јӱрер деп, оныҥ берген сӧзин, бӱдӱрип салар (Исаия 35:1, 5, 6; Матфей 6:10; Ачылта 21:1—4).