የዓለም የጤና ድርጅት እንደገለጸው ከሆነ በሴቶች ላይ የሚፈጸም ጥቃት “እንደ ወረርሽኝ የተዛመተ ዓለም አቀፍ የጤና ችግር” ሆኗል። “በዓለም ላይ ካሉ ሴቶች መካከል 35 በመቶ የሚሆኑት በወንድ ጓደኛቸውና በትዳር አጋራቸው አሊያም በሌላ ወንድ ጥቃት ይፈጸምባቸዋል” በማለት የዓለም የጤና ድርጅት ገልጿል። “በወንድ ጓደኛ ወይም በትዳር አጋር የሚፈጸመው ጥቃት በጣም የተለመደ ሲሆን በዓለም ዙሪያ 30 በመቶ የሚሆኑ ሴቶች ለዚህ የተጋለጡ ናቸው።”

ከ64,303 ሰዎች የተሰበሰበ የሕዝብ አስተያየት እንደሚያሳየው 79 በመቶ የሚሆኑት “ሃይማኖት በዛሬው ጊዜ በዓለም ላይ ለብዙ ችግሮችና ግጭቶች መንስኤ” እንደሆነ ያስባሉ። ከዚህም በላይ በ2011 በእንግሊዝና በዌልስ የተደረገ የሕዝብ ቆጠራ እንዳመለከተው ክርስቲያን እንደሆኑ የተናገሩት ሰዎች ቁጥር በ2001 72 በመቶ ከነበረበት ቀንሶ ወደ 59 በመቶ ወርዷል። ለሃይማኖት ግድ እንደሌላቸው የተናገሩት ሰዎች ቁጥር በተመሳሳይ ጊዜ ውስጥ ከ15 በመቶ ወደ 25 በመቶ ከፍ ብሏል።

መገናኛ ብዙኃን እንደገለጹት ከሆነ በቅርቡ ተሻሽሎ የወጣው ሕግ፣ ትላልቅ ልጆች አረጋውያን ወላጆቻቸውን አዘውትረው እንዲጠይቁ ብቻ ሳይሆን “ስሜታዊ ፍላጎታቸውንም” እንዲያሟሉላቸው የሚያስገድድ ነው። ሕጉ፣ ደንቡን ተግባራዊ በማያደርጉ ሰዎች ላይ “ስለሚደርሰው ቅጣት ምንም አይናገርም።”

የተደራጁ ወንጀለኞች በአሁኑ ጊዜ ለሕዝብ የሚቀርቡ ሸቀጦችን ለምሳሌ መዋቢያዎችን፣ የጽዳት ኬሚካሎችን አልፎ ተርፎም የምግብ ምርቶችን አስመስለው እየሠሩ ነው። ወንጀለኞቹ እነዚህን ሸቀጦች ለመሥራት የሚያገለግል “ኢኮኖሚያዊ ጠቀሜታ ያለውን ማንኛውንም ንጥረ ነገር አስመስሎ ከመሥራት” እንደማይመለሱ አንድ የምግብ ደኅንነት አማካሪ ድርጅት ፕሬዚዳንት ተናግረዋል። አንድ ባለሙያ እንደገመተው በበለጸጉት አገሮች ለሽያጭ ከሚቀርቡት የምግብ ምርቶች መካከል 10 በመቶ የሚሆኑት ተቀይጠዋል።