በፍጹም። የይሖዋ ምሥክር ያልሆኑ በሚሊዮኖች የሚቆጠሩ ሰዎች መጽሐፍ ቅዱስን ከእኛ ጋር ያጠናሉ። a ዓላማችን ሰዎች መጽሐፍ ቅዱስ ምን እንደሚያስተምር እንዲያውቁ መርዳት ነው። ይህን እውቀት ካገኘህ በኋላ ምን እርምጃ እንደምትወስድ መወሰን ያለብህ አንተው ራስህ ነህ። እምነት የግል ጉዳይ እንደሆነ እንገነዘባለን።—ኢያሱ 24:15

 አዎ። እርግጥ እኛ በዘመናዊ ቋንቋ የተዘጋጀውን አዲስ ዓለም ትርጉም መጽሐፍ ቅዱስ መጠቀም እንመርጣለን፤ አንተም ይህ የመጽሐፍ ቅዱስ ትርጉም እንዲኖርህ ከፈለግህ በነፃ ልንሰጥህ ፈቃደኞች ነን፤ ሆኖም ከፈለግህ በመጽሐፍ ቅዱስ ጥናቱ ወቅት የራስህን መጽሐፍ ቅዱስ መጠቀም ትችላለህ። በመጽሐፍ ቅዱስ ውስጥ የሚገኘውን የተስፋና የመዳን መልእክት በየትኛውም የመጽሐፍ ቅዱስ ትርጉም ውስጥ ማግኘት ትችላለህ።

•   ዋናው ምክንያታችን ለይሖዋ አምላክ ያለን ፍቅር ነው፤ እሱ ክርስቲያኖች የተማሩትን ለሌሎች እንዲያስተምሩ ይፈልጋል። (ማቴዎስ 22:37, 38፤ 28:19, 20) ሰዎች በአምላክ ቃል ውስጥ የሚገኘውን እውነት እንዲማሩ በመርዳት ‘ከአምላክ ጋር አብሮ መሥራት’ ትልቅ ክብር እንደሆነ ይሰማናል።—1 ቆሮንቶስ 3:6-9

•   ለሰዎች ያለን ፍቅርም እንዲህ እንድናደርግ ያነሳሳናል። (ማቴዎስ 22:39) የተማርናቸውን ግሩም እውነቶች ለሌሎች ማካፈል ደስታ ይሰጠናል።—የሐዋርያት ሥራ 20:35