سلام رغم الفوضى
تنزيل:
١- من طْلوع الضَوّ لَغُروب الشمس، كل العالم معصبين.
عَشغلي بسوق وحَولي الكل معجوق، بيضلُّوا مخانَقين.
لمَّا الناس تحتَدّ، لَلعَشرة بْعِدّ وبصلِّي ضَلّ هِديان.
قدّ ما الحالة تسوء، بْهدِّي حالي، بروق. ما في شي هالقدّ حِرزان.
(اللازمة)
صاروا الناس صعبين، دايمًا مختلفين والفوضى كل يَوم بتزيد.
بس لو بالنا كان طويل، منُّو مستحيل: فينا نعيش بِسلام أكيد!
٢- هلأ لمَّا وصلْت على شغلي قلْت: «مش رح تقطع على خَير».
ما لحقْت حْكيت ودغري لْقيت صار في مَشكل بَين تنَين.
بعرف منِّي ضعيف لو ضلَّيت لطيف، القوِّة بالهدوء.
لو عَشي سخيف كان غَيري كتير عنيف، بس بيجوز بالهمّ مخنوق.
(اللازمة)
صاروا الناس صعبين، دايمًا مختلفين والفوضى كل يَوم بتزيد.
بس لو بالنا كان طويل، منُّو مستحيل: فينا نعيش بِسلام أكيد!
(مقطع انتقالي)
ولو صار السلام معدوم
وكل العالم غضبان، مقسوم،
يهوه قال ما نخاف، لا منَّا ضعاف.
سلامو أقوى بِأضعاف.
٣- بْآخر الأسبوع بفضِّي وقتي، بروح حتَّى دِق عَبواب الناس.
بس لمَّا الباب دقَّيت، حدا قاسي لقَيت، رافض يسمع بالأساس.
سْكَتْت وما ردَّيت، بِتهذيب فلَّيت. ما رح زيد الزَّيت عَالنار.
بْهالطريقة بكون عطِيتو فرصة يروق ويهدا قدّ ما دمُّو فار.
(اللازمة)
صاروا الناس صعبين، دايمًا مختلفين والفوضى كل يَوم بتزيد.
بس لو بالنا كان طويل، منُّو مستحيل: فينا نعيش بِسلام أكيد!
(اللازمة)
صاروا الناس صعبين، دايمًا مختلفين والفوضى كل يَوم بتزيد.
بس الحَلّ لأ منُّو بعيد، بْعالم كلُّو جديد رح منعيش بِسلام أكيد!
