Niwipawri pinna gowna neyka ni. Ari birin pari kwey kwʉya neyka nariri kwey kinki zweingwa ni (Salmo 90:2). Duna gaʼkʉnamʉ Bibriaseʼ aʼnikwʉyari aseʼ niwikugaʼsana neyka ni (1 Timoteo 1:11). A niwigowna nameʼ, a nʉʼkin kaʼmʉkari zoyamʉ niwikawa ni. Apocalipsis 4:11 aʼgwa ú.

Niwipawri ánugwe nameʼ, iʼngwiseʼ kineki chwey chuʼ neyka ni, a nʉʼkin bema gwasiri ingumʉ́n aʼzʉna neyka ni (Juan 1:18; 4:24). Awiri aseʼ gowna neyka sekʉnanʉn nusi, ari eméy neyka ni niweʼzʉn awiza ni. Warunha awʉnki, pinna zamʉ awiri anáʼnuga kwʉya du kawi gow una neykari, agʉ́nkwʉya nariri niwinhaguzʉn kinki ʉwa chwizʉnhásʉya ni. Kuʼnawa awiri Kaʼgʉmʉ awʉ́ʼn kawi gowna neykari Niwipáw sʉmʉ ɉumamʉ kʉnʉna gwasi neyka ni. Romanos 1:20 aʼgwa ú.

Niwipáw ɉwaʼsʉkwásiri, Bibria riwiamʉ kawa ni. Bibriáseʼri Niwipawri eyma aguzʉna ni awiri eyma aguzanuʼ neyka ni wásʉya ni, awiri ikʉ igunamʉsʉngeʼ, eméy nisi igunámʉsʉya nigwi wásʉya ni. Salmo 103:7-10 aʼgwa ú.

Jesú yanari: «Niwikakʉ kuʼnawa zanʉn, ma nʉzaʼkinugari bunsi kʉkusa ú» (Mateo 6:9). Niwipawri diwʉ́n diwʉ́n zakaʼchoʼkumʉyeki, a zaʼkinugari íʼngwikin zʉʼn kʉnʉna ni. Diwʉ́n diwʉ́n aseykumʉyaygwi diwʉ́n diwʉ́n zakaʼchóʼkumʉya ni, Ikʉkinri «Jeuwá»; ey ʉweʼki, Bunachʉkinri «Jehová» aya ni. Salmo 83:18 aʼgwa ú (iʼngwiné Bibriáseʼri 82:19seʼ aʼníkwʉya ni).

Bibria diwʉ́n diwʉ́n aseykumʉya reʼzagikumana kwʉn nugáseʼri, Niwipáw zaʼkinuga aʼsawa kazari diwʉ́nkʉchʉ  aʼkumana kwʉya ni, Diosu nanʉndi Señor. Ey ʉweʼki, Bibria eʼ aʼkumanaseʼri, Niwipáw zaʼkinugari koga mir nánʉkin aʼnikwana ni. Jesú Niwipáw sí zawía ukweʼri, Niwipáw zaʼkinugari zakaʼchoʼ kinki una ni. Juan 17:26 aʼgwa ú.

Widew Niwipawri azi ɉwa aʼnikwʉya nanʉ́nno chwa ú

Jeuwari niwinhaguzʉna gwʉn nanʉndi, chʉwi zanamʉ eméy zʉne neki ey zʉnʉn aʼzʉnameʼ ki nanʉnno. Iʼngwineʼri Niwipawri azi niʼniko aʼzari chʉwi naʼkúsʉya ni aʼzʉna ni. Ey ʉweʼki, eméy neki auʼ neyka ni. Santiago 1:13 aʼgwa ú.

Jeuwari kwey zweykwa naʼbari imáy zoriwʉn niweʼzari itosʉkwéy neyka niwikʉchusa una ni. Eymari a kaʼmʉkari zweykwasi ʉnkitósʉkwa nanʉn zʉʼn aʼgwasí kawiza ni (Josué 24:15). Ey ʉweʼki, íkʉri du nikuʼ nari zweykwa zʉʼn itósʉya ni; ey ʉwameʼ, eméy du zanuʼ nari zwein nuga ni. Eméy zari zwein nugari, Jeuwáseʼri kwa neki aʼchuʼ neyka ni. Génesis 6:5, 6 aʼgwa ú.

Jeuwari du aʼzari kwʉndi niwinwʉna nameʼ, bin zanuʼgwi du zanuʼ nari chʉwi meʼkúsʉkwa neykari kʉchunha awʉngwa ni. Auʼ kingwi neki chʉwi zanámʉri éykʉchʉ zʉnʉn aʼzʉnameʼ neki nanuʼ neyka ni. 8 kʉnowkwáseʼri ema sí ingumʉ́n zakaʼchoʼ awʉngwa ni. 2 Pedro 2:9; 3:7, 13 aʼgwa ú.

Jeuwari gwamʉ naʼsisʉn nusi nʉɉwaʼsa unʉndi niwinwʉna ni awiri azey azey awʉtari niwinkʉreʼgáwʉya ni (Salmo 65:2; 145:18). Awi nʉ́nkʉri, gwamʉ niwikʉreʼsa awiza ni. Aseʼ aguzʉnáy zwein niweʼkuʼ nʉngeʼki, ayéy zwein nʉngwa meʼzanʉndi aseʼri awʉtari áʼchwʉya ni. Niwikʉzánuga aneki, du ɉwa ʉnkaʼsa awiri kaʼmʉkana awkwéy neyka ni. Salmo 103:12-14; Santiago 4:8 aʼgwa ú.

Niwipawri a niwigowna nameʼ, bema gwasiri ingumʉ́n aguzanamʉ niwikawa ni (Marku 12:30). A sí riwía unáyuri, ayéy zoya awkwa nʉngeʼ, aguzʉn awkwa neyka chwizʉnhásʉkwa nʉngwa ni. Eméy awkwa nanʉngeʼri, ingumʉ́n ɉwa ʉnkaʼsi zweykwa nanʉngwa ni. 1 Timoteo 2:4; 1 Juan 5:3 aʼgwa ú.