RIWIɄKWEYNA 13
Niwipáw sí naʼzʉna ni í winzoyari Bibriaseʼ azi kizanʉngwa ni wásʉya no
1. Niwipáw sí naʼzʉna ni í winzoyari duna gunti ki nanʉnno
Niwipáw sí naʼzʉna ni í azoyaʼbari ikʉ du nari zoya ʉweʼri aʼzariri, du arúnhʉya eygwi kʉtwínuga ni. Ey ʉwameʼ, Niwipawseʼ chʉwi kʉnisiri awʉtari ʉnkʉreʼgáwʉya ni. Ey ʉweʼki, Niwipáw sí naʼzʉna ni í winzoyeʼki du nanuʼ neyka unisi zwein nuga ni (2 Corintios 4:3, 4; 11:13-15). Awiri ʉnkʉpari azoyaʼba twiré winiri, iʼngeygwi zi aʼzi zoriri, gʉmʉsinʉ nenʉ́n aʼtʉnhi zi aʼzi winzoya nóʼkwʉkwa ni. Ey ʉwameʼ, Niwipáw sí du nari zoya ʉweʼri aʼzʉnari eymí noʼkwa ʉweʼri kwa riwanuʼ neyka ni. Mateo 24:11, 12; Marku 13:4-6 aʼgwa ú.
Nanʉyʉʼkin winnigari Niwipáw Jeuwá zeywamʉ kʉkúsʉya ni. Ey ʉweʼki, winnikuʼ neykaseʼri osʉn ɉume kʉkúsʉya ni. Niwipáw sí awiri wichana sí ta zawiuʼ nariri Bibriaseʼ aʼnikuʼ neyka winzawiʉya ni. Ey ʉwameʼ, Jeuwáseʼri íkʉseʼ ta neyka agʉnchona awʉndi aʼzʉna ni. Ezequiel 18:4; 1 Timoteo 2:3-5 aʼgwa ú.
2. Niwipáw sí naʼzʉna ni í winzoyari Bibriaseʼ azi kizanʉngwa ni wásʉya no
Niwipáw kaʼmʉkari aguzánʉya winí zoyeʼki, Ikʉnusi nʉngwʉn aguzari zoyameʼ, Niwipáw kʉrigasáykʉchʉ awkwéy winʉkʉnanuʼ neyka ni (Santiago 4:4). Bibriáseʼri Niwipáw sí naʼzʉnʉn í winzoyari «Babironia Awʉ́ʼn kawa» zaʼkinuga zakaʼchóʼsʉya ni; awiri Noé kwakwe Diruwiw ʉnzʉ́nkiri, ima pówruseʼ pari Niwipáw sí naʼzʉnʉn ayʉngwa niʼna wásʉya ni. Bin zanuʼgwi, Niwipáw sí naʼzʉnʉn í iʼngeygwi kʉrigasáy waʼmʉ ipasi zwein nugari Niwipawseʼ anʉkʉchunha awʉngwa ni. Apocalipsis 17:1, 2, 5, 16, 17; 18:8 aʼgwa ú.
Niwipáw sí naʼzʉnʉn í winzoyaʼbari ikʉ du arúnhʉya kʉtwigwi neyka nameʼ, ta neyka aʼzawiʉn nusi, Jeuwaseʼ ʉnkaʼgukʉn nuga ni. Miqueas 4:2, 5 aʼgwa ú.
3. Niwipáw kaʼmʉkana awʉn aʼɉunari azi nikamʉ kawʉnno
Nanʉyʉʼkin winnigari diʼkin diwari zweykwa neyka chwizʉnhásʉya ni
Jeuwáseʼri ikʉ du nisiri ta neyka aguzʉna nanʉndi awʉtari ʉnkʉreʼgáwʉya ni. Ey ʉwameʼ, digasáy Niwipáw sí naʼzʉnʉn winyeyka chusa awkwa aʼzawiʉya ni. Jeuwá aguzʉn awʉndi, aseʼ aguzʉnáy kawi winzoya unigeʼri, ari zeyzey aʼzanʉngwa ni. Apocalipsis 18:4 aʼgwa ú.
Jesú ʉnwichákiri, apóstol ɉinaseʼ gaʼkʉnamʉ wasey uyeʼri, ikʉseʼri aguzari winipana awiri ayéy winhuzoya una ni. Jeuwáseʼri eyméy nari kwamʉ kawa ni awiri tanʉ meʼzari kwey tʉkin duna unakʉngwa neyka aʼzawiagwi una ni. Ikʉnha winniʼnaygwi, Jeuwaseʼ niwikʉya neykari ayéy ʉnkuzoriri awʉtari ʉnkaʼchwamʉ kawa ni. 1 Tesalonicenses 1:8, 9; 2:13 aʼgwa ú.
Digasáy Niwipáw sí naʼzʉna ni í winzoya neykaseʼ pari winaʼchona awiri a sí nika ʉwari Jeuwáseʼri ipana ʉwa ni. Ey awiri, a zʉɉúnʉkʉnʉ neyka nariri, pin zʉnáy sinamʉ ánugwe sí neykasin diʼkin dinhaguzari awiri áʼkwakin kukwéy nʉngwa ni. Mari eméy ʉwaʼba ey kwʉn meʼɉuno. Marku 10:29, 30; 2 Corintios 6:17, 18 aʼgwa ú.
4. Kaʼgʉ́mʉseʼ ingumʉ́n tanʉ niweʼzari kukwéy nanʉngwásiri, Niwipáw azi nikʉngwa nʉnno
Jeuwáseʼri digasáy a sí naʼzʉna ni í winzoya kʉchunha awʉngeʼri, ingumʉ́n tanʉ zanamʉ zʉʼn kwákuma awʉngwa ni. Ey unigeʼri, ikʉ digásʉya awiri áykʉnʉ minreʼgawi zweykwa neykari kuʼ nanʉngwa ni. Ey anawi nʉngeʼri, pin íkʉri Jeuwá nʉʼkin kaʼmʉkanʉngwa ni. Eymí awʉngwa neykari duna narizáy meʼzanuʼ kino. Apocalipsis 18:20, 21; 21:3, 4 aʼgwa ú.
