Niwipáw aʼzʉnari ikʉ gwamʉ naʼzasisa unari aʼzʉna ni, ey ʉwari awʉtari aʼzʉna ni (Salmo 65:2). Ey ʉweʼki, Niwipáw gwamʉ aʼsisa ʉweʼri, niweʼnoʼkwa gunti ʉwa gwasi nanuʼ neyka ni. Bibriaseʼ yeykari iʼngwi cheyrwa aʼmiasin du rinhuzweiʼ nanʉndi, Niwipawseʼ aʼnoʼkuʼ neyka ni (1 Pedro 3:7). Israelita ɉina du nanuʼ neyka winhunika kinki awi, Niwipáw gwamʉ aʼsisa uyeʼri, aʼnoʼkuʼ nʉnna yeyka ni. Ey ʉwameʼ, du nanuʼ neyka iari eméy níkʉkwa nʉgʉnchoríe meʼzariri du nari keywʉ zwein nʉngwa meʼzanʉndi, a niweʼnoʼkwa ʉwa ni. Isaías 1:15; 55:7 aʼgwa ú.

Gwamʉ sisʉkwari gwamʉ aʼsíkumʉn nuga kaʼmʉkanʉn nugáy kawa ni. Ey ʉwameʼ, Jeuwá nʉʼkin gwamʉ aʼsisamʉ kawa ni (Mateo 6:9; Luka 4:8). Awiri niwikʉzánuga anameʼ, Jesú níwizey nari wicha una ni; ey unameʼ, aseʼ pari Niwipáw gwamʉ aʼsisamʉ kawa ni (Juan 14:6). Jeuwari akimʉ ayeyka í kwa papériseʼ mikaʼnisi gwamʉ naʼsisuʼ nari, meʼzʉnʉkin nʉkʉyʉndi aʼzʉna ni. Mateo 6:7; Filipenses 4:6, 7 aʼgwa ú.

Niwipáw gwamʉ aʼsisʉngeʼ, noʼkwʉzari yuʼ nenʉnki, aseʼri noʼkwa ʉwa ni (1 Samuel 1:12, 13). Awiri bin zanʉngeʼ neki, ɉwía, seya, zamʉ gʉngeʼ kwa chʉwi niweʼzanʉngeʼ neki gwamʉ naʼsisa unʉndi aʼzʉna ni. Salmo 55:22; Marku 8:6 aʼgwa ú.

Niwipawseʼ tanʉ zanamʉ Kaʼseʼ unakʉngwa neykari íkʉseʼ ta naʼnó aʼzanuʼ nari, osʉn ɉumeka aʼchwʉyasin kwʉn nʉ́nkura nameʼ, a zʉɉúnʉkʉnʉ nari Niwipáw sí meʼzanʉkwari áykʉnʉ niwinreʼgow ʉwa ni (2 Timoteo 3:1, 4;  2 Pedro 3:3, 13). Ey ʉwameʼ, kristiánusin gaʼkʉnamʉ ʉnkʉntasi diʼkin tanʉ reʼkusʉkwéy nanʉngwasi ʉnniʼkumamʉ kawa ni. Hebreos 10:24, 25 aʼgwa ú.

Niwipáw kaʼmʉkʉna ɉinasin ʉnníʼkumʉkwa nanʉndi, Niwipáw zʉɉúnʉkʉnʉ nikʉkwéy nanʉngwa ni. Ey ʉwameʼ, Jeuwá sí gaʼyeyka ɉinasin ʉnniʼkumʉkwari ikʉnha Niwipáw azi nisi kaʼmʉkʉna nanʉndi, eyméy niga chwʉn nusi tanʉ niweʼkusʉngwasi niwikaʼmʉkana ʉwa ni. Romanos 1:11, 12 aʼgwa ú.

Bibriaseʼ nʉnkʉriwiana neyka aʼzarunhi, a niʼna neykasin, kunsamʉ niweʼwesʉyasin awiri tʉkin zanʉngwa aʼzarunhʉn nusi neyka ni. Aʼzarunhʉn nusi awiri gwamʉ ʉnkaʼsisʉn nukʉndi, Niwipáw agʉ́nkwʉya neyka awiri niwinhaguzʉn ʉwa naʼnó meʼzʉn awkwa nʉngwa ni. Josué 1:8; Salmo 1:1-3 aʼgwa ú.

Niwipáw sí meʼzari nʉzwein nukʉngeʼ zʉʼn a zʉɉúnʉkʉnʉ nʉnanʉngwa ni. Ey ʉweʼki, zamʉ guʼ neʼri ʉnwicha awkwa nʉndi, ánugwe síri eyma zana neyka ni. Ey ʉwameʼ, ingumʉ́n a sí meʼzanʉkwasi Bibria du riwiri ʉnkaʼzarunhamʉ kawa ni. Mateo 4:4; Hebreos 11:1, 6 aʼgwa ú.

Jeuwá a zʉɉúnʉkʉnʉ du chwʉya ni. A sí ta naʼnó meʼzánʉkwa neyka awiri aʼkwa kukwéy niwikʉnʉna neyka mikizátikuma awkwa nameʼ, niwingunámʉsa ʉwa ni (Salmo 91:1, 2, 7-10). Du niweʼzari awiri zeyzey meʼzanʉkwéy nanuʼ nʉngwa reʼbonʉkwéy neyka nameʼ, du niwichwʉya ni awiri ingumʉ́n du nari zoriri zeyzey meʼzanʉkwéy neyka niweʼzawiʉya ni. Salmo 73:27, 28; Santiago 4:4, 8 aʼgwa ú.