RIWIɄKWEYNA 9
Azi nisi iʼngwi urákʉseʼ reʼkwa zeyzey meʼzari kukwéy nanʉnno
1. Ʉnkachwi nikʉkwásiri iari paperi ʉnkipasamʉ kawʉnno
Niwipáw Jeuwari zeyzey aʼzʉna nariri duna gaʼkʉnamʉ kʉnʉna ni awiri íkʉri asinámʉsin zeyzey aʼzari winkwʉndi aʼzʉna ni (1 Timoteo 1:11). Ʉnkachwi nisi zweykwa neykari aseʼ aʼgowna neyka ni. Du nari paperi ʉnkipasi ʉnkachwi nika awkwari, ʉndinhachusákʉchʉ auʼ nari, gʉmʉsinʉ mikʉnisi zeyzey meʼzari zweykwasi aʼmʉkánʉya ni. Ikʉ Niwipáw yay zwein nugari, ʉnkachwi nika awʉn aʼɉunazey nari gaʼkʉnamʉ aʼbunna neyka uzoyamʉ kawa ni. Luka 2:1, 4, 5 aʼgwa ú.
Niwipáw aʼzʉnari cheyrwa kwa aʼmía ʉnkachwi nika ʉwari, iʼba kinki ʉnkʉnari dinhachusákʉchʉ auʼ nʉndi aʼzʉna ni. Cheyrwa kwa aʼmía iʼngeygwi du keiʼ nari iʼba nʉnnari aʼzʉna ni (Hebreos 13:4). Dinhachusákʉchʉ awkwari Jeuwaseʼ aguzanuʼ neyka ni (Malaquías 2:16). Ey ʉweʼki, ʉnkachwi neyka iʼngwi tinku nika awʉndi, tinku nikuʼ nʉnnari iʼngéygwisin paperi ʉnkipasi ʉnkachwi nika ʉwa aʼzanʉndi awkwéy nʉnní yeyka ni. Marku 10:6-8, 11 aʼgwa ú.
2. Ʉnkachwi neykari azi kawi dinhuzoyamʉ kawʉnno
Cheyrwa awiri aʼmía ʉnkachwi winnisi nʉngeʼri, ʉnkʉngunámʉsi kwʉngwasi Jeuwaseʼ gowna ni (Génesis 2:18). Cheyrwari urákʉseʼ ingumʉ́n aʼzʉna kawa nameʼ, azi zano aʼzariri, Niwipáw sí zawiamʉ kawa ni awiri aʼmía minsin ʉnkuwarunha awʉnʉngwa aʼzanamʉ kawa ni. Ʉnkachwi neykari rinhaguzari osʉn dinhachuʼ nanamʉ kawa ni. Ey ʉweʼki, ikʉ́nhari ʉnkʉreʼbékumuʼ naʼnʉnno áʼchukwa ni kauʼ nameʼ, zeyzey aʼzari kukwéy nʉngwasi, gwamʉ winʉnkʉreʼsi zoyamʉ winʉkawa ni. Efesios 4:31, 32; 5:22-25, 33; 1 Pedro 3:7 aʼgwa ú.
3. Ʉnkachwi neykari du dinhuzweiʼ nákʉcha dinhachusamʉ kawʉnno
Ʉnkachwi neyka du dinhuzweykwéy kʉnikuʼ nanʉnki, azi nari dinhaguzari zoyanikwe winaʼzanamʉ kawa ni (1 Corintios 13:4, 5). Niwipáw Zʉgaʼkʉnamʉseʼri binkín buníʼgʉmʉ mikʉnigákʉcha dinhachusa awkwa neki waséiʼ neyka ni. 1 Corintios 7:10-13 aʼgwa ú.
4. Niwipawri gʉmʉsinʉ azi nari zweindi aʼzʉna no
Jeuwari gʉmʉsinʉ du aʼzari kwanʉndi aʼzʉna ni. Ey ʉwameʼ, abiti nʉngeʼ eyméy kawi zoyamʉ kawa ná aʼzanʉngwasi aʼzawía ʉwa ni, awiri achʉnaseʼ agʉ́nkwʉya neyka awiri aʼzʉnna neyka kʉriwí zoyanari aʼzʉna ni (Colosenses 3:20). Niwipawri abiti neykari a awiri Agʉmʉsinʉ kaʼmʉkanʉn nusi eyméy meʼzari zeyzey meʼzánʉkwa ná aʼzʉn unari aʼzʉna ni. Eclesiastés 11:9-12:1; Mateo 21:15, 16; Luka 18:15-17 aʼgwa ú.
5. Achʉ́nari agʉmʉsinʉ du nari zweingwásiri, azi nisi ʉnkigunamʉsamʉ kawʉnno
Achʉ́nari azi nisi gʉmʉsinʉ ʉnkakawa uniʼkwe aʼzariri mʉ́kʉseʼ warunhamʉ kawa ni (1 Timoteo 5:8). Awiri ingumʉ́n awʉtari aʼzʉnari, Niwipáw aguzariri a sí ʉnkʉriwía awʉngwasi aʼzawiámʉgwi kawa ni (Efesios 6:4). Achʉ́nari Niwipáw aguzari du nari zwein nukʉndi, gʉmʉsínʉri ayeygwi keywʉ nisi zweinʉngwa aʼzanʉngwa ni. Niwipáw Zʉgaʼkʉnámʉseʼ yay aʼzawía awʉndi, du nari zwein nʉngwa aʼzanʉngwa ni. Deuteronomio 6:4-7; Proverbios 22:6 aʼgwa ú.
Gʉmʉsínʉri du du nʉkeykumʉndi aʼzʉna ni. Ey ʉwameʼ, duna neyka unika unigeʼri, du nʉnigʉn kʉyamʉ kawa ni. Ey ʉweʼki, du nanuʼ nanʉndi gwamʉ awía awiri du aʼzawía awamʉ kawa ni; ey unigeʼri, du nari zweingwasi kaʼmʉkana awʉngwa ni (Proverbios 22:15). Ey ʉweʼki, ɉweɉwe keiʼ nari kwa zi aʼzuʼ nari gwamʉ awiamʉ kawa ni. Colosenses 3:21 aʼgwa ú.
Jeuwá sí gaʼyeyka ɉinari ribru Bibria sí wásʉya, achʉnazey nari awiri gʉmʉsínʉseʼ kaʼmʉkana awkwéy neyka aʼchunhana kwʉn nuga ni. Salmo 19:7, 11 aʼgwa ú.
