DUNGU 19
Pu dunguquelu iñingen Jehová, ¿rübngechi cristianongepi mai?
Iñchiñ pu dunguquelu iñingen Jehová maneluucüliiñ taiñ rüb cristianongen, ¿chemu? Beula peaiñ cheu tripai taiñ mupituquel (beyentuquel), chemu dunguquelu iñingen Jehová eipingequiiñ ca chumquiiñ taiñ hueluquechi piuqueyehual.
1. Pu dunguquelu iñingen Jehová tañi mupituquel, ¿cheu tripaqui?
Jesús eipibi tañi Chau: “Tami dungu, rüb dungu tati” (Juan 17:17). Pu dunguquelu iñingen Jehová inanequebiiñ Jesús, beimu com taiñ mupituquel tripaqui Biblia mu. Cuibi, pu Papiltuquelu Biblia pingequebüiñ. Beichi 1870 tripantu püle, quiñeque che amuli tañi cüme quimabel Biblia ñi rüb quimelquel. Beimu quimingün Biblia tañi eipin trürngequelabüi pu iglesia ñi quimelquel mu. Beimu hula, amuli tañi quimelelabel pu che chem ñi quimpol engün. a
2. ¿Chemu dunguquelu iñingen Jehová pingequiiñ?
Jehová eipi tañi pu huenupüramquetu dunguqui tati rüb dungu quidu mu (Hebreos 11:4–12:1). Cuibi, Chau Ngünechen eipibi tañi pu che: “Eimün tati pu dunguquelu iñche tañi iñingen” (papiltunge Isaías 43:10). Ca bemngechi Biblia mu eipingequi Jesús “tati Manelbal Huldunguquelu” (Apocalipsis 1:5). Beichi 1931 tripantu mu, eipingequiiñ pu dunguquelu iñingen Jehová. Müna ayühulqueiñmu taiñ bemngechi eipingeal.
3. ¿Chumngechi inaquebiiñ Jesús ñi piuqueyechequen?
Jesús müna piuqueyebi tañi pu inanequetu, beimu tañi pu che reque troquiquebeyu (papiltunge Marcos 3:35). Iñchiñ ca bemngechi huall Mapu mu quiñeucüliiñ. Beimu “peñi” ca “lamngen” eipiuquiiñ (Filemón 1, 2). Cabei Biblia eipi: “Piuqueyeabimün com pu peñi ca pu lamngen” (1 Pedro 2:17). Iñchiñ caque ume dungu bemquiiñ taiñ piuqueyeabel taiñ pu peñi ca pu lamngen. Beimu quiñeque engün upale hueyaque dungu mu, iñchiñ quelluabiiñ (incaabiiñ).
DOI CÜME QUIMNGE
Doi quimponge pu dunguquelu iñingen Jehová tañi upan ca quimnge quiñeque dungu pengelquelu tañi rüb cristianongen.
Pu rübngechi cristiano inanequingün Biblia ñi quimelquel ca quimelelquebingün caquelu che.
4. Inanequiiñ Biblia ñi quimelün
Jehová eipicünoi Biblia tañi quimelquel doi quimngepoabüi. Papiltoiñ Daniel 12:4. Papiltungele hula ngütramcaabiiñ tübachi ramtun:
-
Jehová tañi pu che amulele tañi papiltunebel Biblia, ¿chem dungu doi alün-ngepoabüi?
Peaiñ chumngechi quiñeque che papiltupebi Biblia, cheu müli taiñ peñi Charles Russell. Quintulbe tati VIDEO. Quintulngele hula ngütramcaabiiñ tübachi ramtun:
-
Charles Russell ca tañi pu hueni, ¿chumingün tañi papiltobel Biblia?
¿Quimquebüimi?
Quiñeque mu, doi cüme elcünotuiñ taiñ raquiduamquebel Biblia mu, ¿chemu? Hunlu pulihuen mu, ñochiquechi ti antü pelontuqui ti mapu. Ca bemngechi Jehová ñochiquechi quelluqueiñmu taiñ doi cüme adümabel Biblia (papiltoiñ Proverbios 4:18). Biblia tañi eipin caletuquelai, huelu quiñeque mu duambalngebüi taiñ cüme elcünotol chem taiñ adümbel Biblia mu.
5. Iñchiñ dunguquiiñ Jehová mu
¿Chemu pu dunguquelu iñingen Jehová pingequiiñ? Quintulbe tati VIDEO. Quintulngele hula ngütramcaabiiñ tübachi ramtun:
-
¿Chemu cümi taiñ eipingeal pu dunguquelu iñingen Jehová?
¿Chemu Jehová ayüqui ñi dungungeal quidu mu? Billque coilaque dungu eipingequi Chau Ngünechen mu, beimu iñchiñ dunguquiiñ tati rüb dungu. Quimaiñ quiñeque coilaque dungu ñi eipingequel Chau Dio mu.
Quiñeque religion quimelelqui tañi huenupüramngeal Chau Ngünechen adentun mu, ¿belepi mai tüba? Papiltoiñ Levítico 26:1. Papiltungele hula ngütramcaabiiñ tübachi pu ramtun:
-
¿Chem quimelelqui tübachi huirin Biblia mu? Ca ¿chum duamqui Jehová huenupüramngele adentun mu?
Quiñeque loncolechi religioso quimelelqui Jesús Ngünechen ngi, huelu ¿belepi mai tüba? Papiltoiñ Juan 20:17. Papiltungele hula ngütramcaabiiñ tübachi pu ramtun:
-
¿Chem quimelelqui tübachi huirin Biblia mu? Jesús, ¿Ngünechen ngepi mai?
-
Jehová ñi pin mu müli bentren che dunguquelu tati rüb dungu quidu mu ca Jesús mu, ¿chem raquiduamquimi tübachi dungu mu?
6. Hueluquechi piuqueyeuquiiñ
Taiñ cuerpu bill püchüque dungu nii ca com quiñeucüli, beimu Biblia eipi pu cristiano ca bemngechi quiñeucüliiñ. Papiltoiñ 1 Corintios 12:25, 26. Papiltungele hula ngütramcaabiiñ tübachi epu ramtun:
-
Hueyaque dungu upale quiñe cristiano, ¿chumabüi ca cristiano?
-
Tami pebel mu, pu dunguquelu iñingen Jehová, ¿chumngechi pengeluuqui tañi hueluquechi piuqueyeuquen?
Upale hueyaque dungu mu pu dunguquelu iñingen Jehová, tañi pu peñi ca pu lamngen pür eluuquingün tañi quelluabel. Beimu, ¿chumngechi quelluquebingün tañi pu peñi ca pu lamngen? Quintulbe tati VIDEO. Quintulngele hula ngütramcaabiiñ tübachi ramtun:
-
¿Eipiabüimi pu dunguquelu iñingen Jehová ñi pengeluuquen piuqueyehun?
Pu rübngechi cristiano pengeli ñi piuqueyebel beichi pu che duamnelu ñi quellungeal.
QUIÑEQUE CHE EIPIQUI: “Pu dunguquelu iñingen Jehová quiñe hue religion tati”.
-
Jehová, ¿beula müten eipibi tañi pu che ñi dungual quidu mu?
CHEM PEIÑ TÜBAMU
Iñchiñ pu dunguquelu iñingen Jehová rübngechi cristianongiiñ. Huall püle Mapu mu quiñeucüliiñ taiñ huenupüramabel Jehová, inaquiiñ Biblia tañi quimelün ca quimelquiiñ tati rüb dungu Jehová mu cüpalu.
Chem quimeleleiñmu tüba
-
¿Chemu eipingequiiñ pu dunguquelu iñingen Jehová?
-
¿Chumngechi hueluquechi piuqueyeuquiiñ?
-
Pu dunguquelu iñingen Jehová, ¿rübngechi cristianongepingün mai? ¿Chem pimi?
DOI QUIMABÜIMI
Doi quimponge pu dunguquelu iñingen Jehová ñi upan mu.
Pu dunguquelu iñingen Jehová: bemqui tañi mupituquel. Video 1: Tripaingün rumiñ mu (1:00:53)
Quimnge chumngechi pu dunguquelu iñingen Jehová pengelingün quiñe coila dungu quimelquelu tati iglesia.
Quimponge billque dungu pu dunguquelu iñingen Jehová mu.
“Billque ramtun pu dunguquelu iñingen Jehova mu” (Papiltun internet mu)
Stephen bente ñi üdebel tati pu che ca tuhun nielu, billque hueyaque dungu bemi. Pebinge chem quellueyu ñi cüme elcünotol tañi mongen.
a 1879 tripantu bantepu mu, nentuquiiñ Ti Huerquen pingechi papil ñi quimelcheal Biblia ñi eipin.
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
