DUNGU 26
¿Chemu müli billque hueyaque dungu Mapu mu?
Hueyaque dungu upale, ramtuuquiiñ: “¿Chemu bemngechi hueyaque dungu upaliiñ?”. Quimbilmi chem eipiqui Biblia, müna ayühulabeimu llemai.
1. ¿Chumi Satanás ñi upaal hueyaque dungu Mapu mu?
Satanás caiñetubi Jehová, ¿chemu? Tübachi Hueya Püllü ayüi ñi ngüneneal, beimu ngüchaltucubi tati hunen curehuen tañi caiñetuabel Jehová. Beimu ¿chumi tañi ngünencaabel engu? Coilatudungubi Eva (Génesis 3:1-5). Satanás raquiduamelelbi Eva, Jehová ñi catrütunebel tañi doi cüme beleal engu. Hueya Püllü eipibi reque Eva quidu ngüneneule engu, doi ayüucüleabüingu. Satanás eipibilu Eva ñi lanoal, eipi tati hunen coila dungu. Beimu Biblia eipi Satanás “bei quiñe coilatube. Quidu mu tripaqui com coilaque dungu” (Juan 8:44).
2. ¿Chem dungu ngümintubi (dullibi) Adán, Eva engu?
Jehová müna cümelcabi Adán, Eva engu. Elubi tañi ial com anümca ñi mülequebel Edén pingechi lob mu, huelu quiñe anümca müten eluñmalayu tañi ial engu (Génesis 2:15-17). Cüme belebüi engu ume, Eva “nentumi quiñe bün” beichi anümca mu, bei ca “ibi. Beimu ca bemngechi elubi tañi büta, beimu ti huentru cabei irqui tati bün”, beimu mür engu mupitulabingu (beyentulabingu) Chau Ngünechen (Génesis 3:6). Yabcabe chengenolu ume, ngümintubi tañi inanoal Jehová ñi eipin, bemngechi quiñepülecünobingu Jehová ca ngümintubi tañi quidutu ngünenehual. Tañi ngümintuel mu engu, müna cutrancahuingu (Génesis 3:16-19).
3. Adán, Eva engu tañi bemün, ¿chem bemeiñmu?
Adán, Eva engu inanenobilu Jehová, yabcabe chengetuingu ca ulpalelbi tübachi yabcan tañi eluupachi pu che. Beimu Biblia eipi Adán mu: “Quiñe huentru tañi bemün mu coni tati yabcan mapu mu. Beimu tati yabcan cüpali lan dungu. Com pu che yabcabe chengetui, beimu lan dungu com che mu pohui” (Romanos 5:12).
Quiñequechi taiñ hueya ngümintun mu hueya upaquiiñ. Huelu cabei caquelu che tañi hueya ngümintuel mu iñchiñ hueya upaabüiñ. Ca quiñeque mu hueya upaumeabüiñ müten (papiltunge Eclesiastés 9:11).
DOI CÜME QUIMNGE
Peabiiñ chemu pu hueyaque dungu mülelu Mapu mu upalai Chau Dio tañi duam mu. Ca quimaiñ chum duamcüli Chau Ngünechen pebilu pu che cutrancaucülelu.
4. ¿Iñi tañi duam mu cutrancauquiiñ?
Bentren che eipiqui Chau Ngünechen ñi ngünenebel tübachi Mapu, huelu ¿beingepi mai tüba? Quintulbe tati VIDEO.
Papiltoiñ Santiago 1:13 ca 1 Juan 5:19. Papiltungele hula ngütramcaabiiñ tübachi ramtun:
-
¿Chau Ngünechen tañi duam mu cutrancauquiiñ?
5. Satanás ngünenebilu Mapu, ¿chem dungu upamequi?
Papiltoiñ Génesis 3:1-6. Papiltungele hula ngütramcaabiiñ tübachi cüla ramtun:
-
¿Chem coila dungu eipi Satanás? (Pebinge Génesis 3:4, 5).
-
Satanás, ¿chumngechi raquiduamelelbi Eva, Jehová ñi catrütuetu ñi doi cüme beleal?
-
Satanás eipiqui pu che duamnequelai Chau Ngünechen tañi ngüneneatu ñi ayüucüleal, beimu ¿chumqui tañi bemngechi raquiduamelabel pu che?
Papiltoiñ Eclesiastés 8:9. Papiltungele hula ngütramcaabiiñ tübachi ramtun:
-
Bamülque mu Chau Ngünechen tañi ngünenetunobel Mapu, ¿chumcüli pu che?
-
Adán, Eva engu yabcabe chengelabüingu ca quiñe ayübalngechi Mapu mu mülebüingu. Huelu allcütubingu Satanás ca caiñetubingu Jehová.
-
Adán, Eva engu tañi yabcan mu, com pu che Mapu mu yabcabe chengetuingün, cutrancauquingün ca lapoingün.
-
Jehová tañi duam mu, pu che yabcabe chengehuelaai, cutrancahuelaai ca lahuelaai. Tati pu che müleaingün quiñe ayübalchi Mapu mu.
6. Iñchiñ taiñ hueya upaquen hueñancülquebi Jehová
¿Cutrantupiuquepi mai Jehová iñchiñ taiñ cutrancahun mu? Quimaiñ chem huirintucui tati rey David ca tati apostol Pedro. Papiltoiñ Salmo 31:7 ca 1 Pedro 5:7. Papiltungele hula ngütramcaabiiñ tübachi ramtun:
-
Hueya upaliiñ Jehová cabei hueñancüli. Quimquelu tüba eimi, ¿chum duamcülimi?
7. Chau Ngünechen apümcaabi com taiñ cutrancaquetu
Papiltoiñ Isaías 65:17 ca Apocalipsis 21:3, 4. Papiltungele hula ngütramcaabiiñ tübachi pu ramtun:
-
Chau Ngünechen eipicünoi ñi apümcaabel com taiñ hueyalcaquetu ca tañi cüme elcünotuabel com ñi hueyalcangel. Jehová tañi eipicünol, ¿chum duamelqueimu? ¿Chemu bemngechi eipiabüimi?
¿Quimquebüimi?
Satanás tañi hune coilatun mu eipintucubi Jehová. Tañi eipintucun mu, eipicai reque Jehová ñi norngenon ca ñi cüme ngünenenoabel pu che. Püchüñma mu, Jehová apümcaabi com tati hueyaque dungu ca cüme quimbalcünoi ñi rübngenon tati billque coilaque dungu ñi eipingel quidu mu. Bemngechi Jehová pengelai quidu müten pepicaucüli tañi ngüneneabel pu che. Müna manelbalngi ñi upaal tüba cüpalechi antü mu (Mateo 6:9, 10).
QUIÑEQUE CHE EIPIQUI: “Chau Ngünechen tañi duam mu cutrancauquiiñ”.
-
¿Chem piabüimi eimi?
CHEM PEIÑ TÜBAMU
Satanás ca tati hunen curehuen tañi duam mu müli hueyaque dungu Mapu mu. Taiñ hueya upaquen hueñancülquebi Jehová, beimu püchüñma mu Jehová apümcaabi com taiñ hueyalcaquetu.
Chem quimeleleiñmu tüba
-
Satanás, ¿chem ngünencan dungu eipibi Eva?
-
Adán, Eva engu tañi allcütunobel mu Jehová, ¿chumngechi hueyalcaqueiñmu?
-
¿Chemu eipiabüiñ taiñ hueya upaquen mu hueñancülquebi Jehová?
DOI QUIMABÜIMI
Quimponge chem pi tati Biblia yabcan mu.
Doi quimponge Satanás tañi eipintucubel Chau Ngünechen Edén pingechi lob mu.
“¿Chemu Chau Ngünechen petu catrütulabi ñi mülehuenoal cutrancahun?” (Ti Huerquen 1 enero 2014)
¿Chemu Chau Ngünechen catrütulabi hueyaque dungu? Quimnge tüba.
Quiñe huentru billque hueyaque dungu mu upalu quimpoi quiñe manelbalchi dungu. Quintulnge chem tañi quimpon.
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
