Adán, Eva engu inanelabi Chau Ngünechen, beimu iñchiñ yabcabe chengetuiñ, cutrancauquiiñ ca laquiiñ. a Huelu Jehová huli tañi Botüm Jesucristo iñchiñ taiñ duam mu, bemngechi montulngeabüiñ yabcan ca lan mu. Biblia eipi Jesús tañi lan mu culli reque taiñ montulngeal (papiltunge Mateo 20:28). Jesús huli tañi yabcan-ngenochi mongen taiñ neicümngetol taiñ yabcan ca lan mu. Bemngechi huiño nietuabüiñ com ñi ñangümün mu Adán, Eva engu. Cabei Jesús tañi bemün mu, pengeli chumte tañi piuqueyenebel tati pu che ca chumte taiñ piuqueyenetu Jehová. Tübamu peaimi chemu doi mañumcüleabüimi Jesús tañi lan mu.

1. Bamülque mu, ¿chumngechi cümelcaqueiñmu Jesús tañi lan?

Yabcabe chengelu am iñchiñ, bemquiiñ bentren dungu ayüquenolu Jehová. Huelu hueya duamcüleliiñ ca Jesús tañi üi mu ngillatubiliiñ Jehová taiñ ulpacünoñmaatu tati yabcan, rüb hueniyepoabüiñ Jehová. Huelu manelbalngi taiñ huiño connoal bemngechi hueyaque dungu mu (1 Juan 2:1). Biblia eipi: “Cristo, quiñe upa müten lai pu norngenochi che ñi yabcan mu, bemngechi tamün cümelcautol Chau Ngünechen eimün” (1 Pedro 3:18).

2. Cüpalechi antü mu, ¿chumngechi cümelcaaiñmu Jesús tañi lan?

Jehová tañi duam mu, Jesús huli tañi yabcan-ngenochi mongen “bemngechi pu mupitulu [beyentulu] quidu mu, apümcangelaai. Abquenochi mongen nieai” (Juan 3:16). Jesús tañi bemün mu, Jehová püchüñma mu cüme elcünotuabi com hueyaque dungu upalu Adán tañi yabcan mu. Beimu maneluucüleliiñ Jesús tañi lan mu, abquenochi mongen niepoabüiñ huengetule Mapu (Isaías 65:21-23).

 DOI CÜME QUIMNGE

3. Jesús tañi lan neicümentuiñmu yabcan ca lan dungu mu

1. Adán yabcabe chengelabüi, huelu allcütunobilu Jehová, yabcai ca ulpalelbi tañi eluupachi pu che yabcan ca lan dungu.

2. Jesús yabcabe chengelabüi ca allcütubi Chau Ngünechen, beimu tañi bemün mu tati pu che yabcabe chengehuelaabüingün ca abquenochi mongen niepoabüingün.

4. Jesús tañi lan mu cümelcaabüi com pu che

 5. Jehová huli tañi Botüm tami cümelcaatu

Pu che cüme hueniyebilu Jehová, raquiduamquingün Jesús lai quidu engün tañi duam mu. Taiñ doi cüme loncontucuneabel tüba, papiltoiñ Gálatas 2:20. Papiltungele hula ngütramcaabiiñ tübachi ramtun:

• Pablo quiñe manelbalchi hulün quidu ngelu troquibi Jesús tañi lan, ¿chemu eipiabüiñ tüba?

Yabcalu Adán lai, huelu ca bemngechi ulpalelbi tañi eluupachi pu che tati lan dungu. Huelu Jehová huercübi tañi Botüm Mapu mu tañi lapaal iñchiñ taiñ duam mu, bemngechi eimi abquenochi mongen niepoabüimi.

Papiltubilmi tübachi huirin tripalu Biblia mu, raquiduamnge chum duamcüli Jehová pebilu ñi Botüm tañi cutrancahun. Papiltoiñ Juan 19:1-7, 16-18. Papiltungele hula ngütramcaabiiñ tübachi ramtun:

• Jehová, Jesús engu tañi bemün eimi mu, ¿chum duamelqueimu?

 CHEM PEIÑ TÜBAMU

Jesús tañi lan mu, Jehová ulpacünoñmaabeiñmu taiñ yabcan ca eluabeiñmu abquenochi mongen.

Chem quimeleleiñmu tüba

• ¿Chemu lai Jesús?

• ¿Chemu eipiabüiñ Jesús cullibi chem ñi duamnengel tañi neicümentobel com pu che yabcan ca lan dungu mu?

• Jesús tañi lan, ¿chumngechi cümelcaqueiñmu?