¿Tunten üi niei ta Ngünechen?
Biblia ñi quimeltuqueel
Chau Dios niei quiñe üi müten. Hebreo quehun dungu mu huirintucungei יהוה. Mapudungun mu, “Jehová” pingequei. a Tati profeta Isai̇́as feipicünui Chau Dios ñi üi. Chau Dios feipi: “Iñche ta Jehová. Tüfa tañi üi” (Isaías 42:8). Cuifi Huirin Chillca mu, doi 7.000 rupa huirintucungei Jehová tañi üi. Jehová doi huirintucungei caquelu üi mu. b
¿Ca üi niepei mai ta Jehová?
Caquerumei tañi üitungequen Jehová Biblia mu, huelu Jehová niei quiñe üi müten. Feula peaimi ca chumngechi üitungequei Jehová Biblia mu. Fei doi quelluaimu, fei quimafiel Chau Dios mu.
Ca chumngechi ñi üitungequen |
Cheu ñi mülen Biblia mu |
¿Chem cüpa feipi? |
|---|---|---|
Alá |
(Ngelai) |
Feitachi dungu cüpai arabe mu. Dios quiñeque Biblia arabe quehun dungu mu, “Alá” feipingei, huelu Chau Dios tañi üi no tati. |
Alfa ca Omega |
Tüfa tati hunen ca afchi letra alfabeto griego quehun dungu mu. Quisu tati “hunelelu ca inalelu” com dungu meu (Ngünechen ñi Neyüntükumuyümchi Chillka). Quiñe dios no rume hune deumangelai Jehová mu, ca inalelu quisu mu turpu ngelayai (Isaías 43:10). |
|
Chau Ngünechen |
Quisu hulquelu ta com mongen. |
|
Deumaquelu metahue |
Isaías 64:8 |
Chumngechi quiñe deumaquelu metahue cüdauquei fotra ñi cüme deumayafiel quiñeque pichi metahue, ca femngechi Jehová ngünequefi tati pu che ca com troquiñque mapu. Huincadungun mu, “Alfarero” pingei (Romanos 9:20, 21, Traducción del Nuevo Mundo). |
Fütra Cura |
Salmo 18:2, 46 |
Quisu quiñe ellcaupeyüm reque felei. Quimnieiñ taiñ cuñiutucuaeteu ca montulaeteu. Huincadungun mu, “Roca” pingei. |
Iñche Feman Chem tañi Ayüqueel ñi Femal |
Quisu chumquei rume ñi femal tañi ayüqueel. Huincadungun mu, “Yo Seré lo que Yo Decida Ser” cam “Yo soy el que soy” pingei (Reina-Valera). Tüfa quimeltueiñmu chem cüpa feipi Jehová tañi üi (Éxodo 3:15). |
|
Camañfe |
Salmo 23:1 |
Cuidaquefi tañi pu poyequeteu. Huincadungun mu, “Pastor” pingei. |
Ngünechen, Dios |
Quisu müten püramfalngei. Hebreo quehun dungu mu, feitachi dungu pengeli Jehová ñi püramyefalngen ca ñi alüpüralen. |
|
Ñidol Ngünechen |
Quisu müten coneltulelu ñi ngünenieal. |
|
Ñidol, Señor |
Quisu ngen-ngei itrocom mu. |
|
Ñidolcülelu pu hueichafe mu |
Isaías 1:9; Romanos 9:29, Traducción del Nuevo Mundo |
Ñidolcülei com tati pu cümeque püllü meu. Huincadungun mu, “Señor de los ejércitos” pingei. |
Rume Fücha Che |
Daniel 7:9, 13, 22 |
Quisu deumangelai. Quisu müten rumel mülequei ca rumel müleai. Huincadungun mu, “Anciano de Días” pingei (Salmo 90:2). |
Taiñ Quimeltuqueteu |
Isaías 30:20, 21 |
Quisu adnieiñmu ca quimeltuqueiñmu taiñ cümelcaleal iñchiñ. Huincadungun mu, “Gran Instructor” pingei (Isaías 48:17, 18). |
Taiñ Montulchefe |
Cuñihun-ngechi dungu mülele tañi pu che, Quisu montulquefi tañi lanoal ca tañi apümcangenoal. |
|
Taiñ Ngillanentueteu |
Isaías 41:14 |
Montulfi ta che Jesús tañi mollfüñ mu, femngechi lifrenentueiñmu culpan ca lan dungu mu (Juan 3:16). Huincadungun mu, “Recomprador” ca “Redentor” pingei (Reina-Valera). |
Tati Allcütuquelu llellipun |
Salmo 65:2 |
Com allcütuquei ñi llellipueteu pu feyentulelu. Huincadungun mu, “El que escucha las oraciones” pingei. |
Tati Alüpüralelu |
Salmo 47:2 |
Quisu doicülei itrocom meu. Huincadungun mu, “Altísimo” pingei. |
Tati Ayüquelu quisu müten ñi poyengeal |
Quisu ayüquelai caquelu dios ñi poyengeal, Quisu müten. Huincadungun mu, quiñeque Biblia mu rulpadungungei “Celoso” (Reina-Valera). |
|
Tati ayühun-ngechi Ngünechen |
1 Timoteo 1:11, Traducción del Nuevo Mundo |
Quisu rumel ayüucülequei. Huincadungun mu, “Dios feliz” pingei (Salmo 104:31). |
Tati Deumafilu com tati mülelu |
Salmo 149:2; Isaías 40:28 |
Quisu deumafi com mülelu huenu mu ca Mapu mu. Huincadungun mu, “Creador” pingei (Apocalipsis 4:11). |
Tati Doi Lifngelu |
Proverbios 9:10 |
Jehová doi lifngei caquelu püllü meu ca caquelu che meu. Huincadungun mu, “Santísimo” pingei. |
Tati Doicülelu caque dios meu |
Quisu doicülei caquelu falinochi dios meu. Huincadungun mu, “Dios de dioses” pingei (Isaías 2:8). |
|
Tati Com Pepiluhun Nielu |
Inei no rume doi pepiluhun nielai Jehová mu. Tati feipin “Ngünechen tati Com Pepiluhun Nielu” mülei 7 rupa Biblia mu. |
|
Tati Rumel Lonco Ülmencülealu |
Quisu rumel ngüneniequei ca rumel ngünenieai. |
Quiñeque mülehue üi mülei Hebreo Huirintucun mu
Biblia mu quiñeque mülehue tañi üi mu, concülei Jehová tañi üi. Huelu feipingelai Dios, feipingei mai tati mülehue.
Mülehue |
Cheu ñi mülen Biblia mu |
¿Chem cüpa feipi? |
|---|---|---|
Jehová-nisí |
Tüfa rulpadungungeafui “Jehová tañi ellcaupeyüm”. Jehová incañpequefi ca quelluquefi tañi pu che (Éxodo 17:13-16). |
|
Jehová-salom |
“Jehová hulquei tüngcülen”. |
|
Jehová-sama |
Ezequiel 48:35, Reina-Valera |
“Jehová tiye meu mülei”. |
Jehová-yiré |
Génesis 22:13, 14, Traducción del Nuevo Mundo |
“Jehová hulquei tañi duamniengeel”. |
¿Chumngelu falin-ngei ñi quimngeal ca üitungeal Jehová tañi üi?
Chau Dios ayüniei pu che ñi quimafiel tañi üi, Jehová. Rume falin-ngei, feimu huarancaquechi rupa tripai Biblia mu (Malaquías 1:11).
Chau Dios ñi Fotüm, Jesús, fentren rupa feipi ñi falin-ngen Chau Dios tañi üi, feimu quimeltulelfi tañi pu discipulo ñi llellipuafiel ta Jehová: “Yamniengepe tami üi” (Mateo 6:9; Juan 17:6, Traducción del Nuevo Mundo).
Pu quimfilu ca pünequefilu Jehová tañi üi hueniyerpuafuingün ta Jehová (Salmo 9:10; Malaquías 3:16). Ca Jehová femngechi feipifi tañi pu hueni: “Piuqueyeelumu am ta iñche, montulafiñ. Cuñiutucuafiñ quimnieteu am iñche ñi üi” (Salmo 91:14).
Biblia feipi “ñi mülen fentren ngünechen huenu mapu meu ca nag mapu meu (fei mülei fentren ngünechen ca fentren ñidol)” (1 Corintios 8:5, 6). Huelu Biblia quimfalcünui ñi mülen quiñe rüfngechi Ngünechen müten, Jehová pingei tañi üi (Salmo 83:18).
a Huincadungun mu, rulpadungungequei Jehová ca Yahvé.
b Biblia mu, Jehová ñi üi ca feipingequei “Jah” 50 rupa peno. Feitachi üi “Jah” concülei “Aleluya” dungun mu. Tüfa ta feipi: “Püramyengepe ta Jah” (Apocalipsis 19:1, Reina-Valera).
Eimi ca ayüafuimi
FALINQUE QUIMELTUN BIBLIA MU TRIPALU
Ngünechen, ¿niepei mai quiñe üi?
Ngünechen caqueume üitun-ngequei: Com Pepiluhun-nielu, Elchen, ca Ñidol. Huelu tañi üi huiriconcülefui epe regle huaranca rupa Biblia mu.
IÑCHIÑ TAIÑ DUNGU
Huirintucunge tami pemengeal
Ngüneduamnge quiñe ramtun Biblia mu, cam doi quimafuimi pu Dunguquelu Ineingen Jehová.