Quiñe che femle quiñe dungu chaftuquefilu Chau Dios tañi feipin, culpaquei. Ca femngechi niele tañi piuque mu huesaque dungu cam raquiduamle huesaque dungu chaftuquefilu Chau Dios tañi huercün dungu, culpaquei (1 Juan 3:4; 5:17). Tati Biblia feipi quiñe che femle huesaque dungu ca norngenochi dungu, culpaquei chau Dios tañi adquiñ mu. Ca femngechi femnole cümeque dungu, culpaquei (Santiago 4:17).

 Biblia mu, fillque palabra rulpadungungelu culpan ca feipiafui “cüllünoal” cam “huelulcahual”. Chumngechi quiñe huentru cüllücüllütulu quiñe flecha huelu puulai cheu tañi puhuafel. Por ejemplo, cuifi mu, Israel mapu mu mülefui quiñeque hueichafe rume adümfi ti huitruhue ti cura cüllüquefi cheu tañi puhual. Tüfa ca rulpadungungeafui ñi “culpaquenon” (Jueces 20:16). Feimu feipiafuiñ tati culpan feita cüllünoal reque Chau Dios tañi feipin.

 Chau Dios deumafi ta che ca itrocom dungu ñi mülen, feimu felei ñi feipiafiel pu che chem tañi femal engün (Apocalipsis 4:11). Feimu Chau Dios juzgayaiñmu taiñ femün meu (Romanos 14:12).

¿Feipipeafuiñ mai quiñe che culpaquelai?

 Femlayafuiñ tati. Biblia feipi ‘itrocom che ta culpai ca fütra camapulei’ Ngünechen meu (Romanos 3:23; 1 Reyes 8:46; Eclesiastés 7:20; 1 Juan 1:8). ¿Chumngelu femngechi feleiñ?

 Cuifi mu, Adán ca Eva culpafe ngelafui, adentucünungefuingu Ngünechen meu (Génesis 1:27). Huelu fentecünuingu ñi feyentufiel ta Chau Dios (Génesis 3:5, 6, 17-19). Fei nielu fotüm ca ñahue engu rulpafi engün tañi culpan, huesa cutran reque felelu (Romanos 5:12). Chumngechi feipi ti lonco ülmen David. “Petu tañi choyüngenon rume, deu culpafe ngefun” (Salmo 51:5).

¿Mülepei mai quiñeque culpan doicülelu?

 Mai, femi. Por ejemplo, Biblia feipi cuifi mu quiñe huaria mu, Sodoma pingelu, pu che ‘rume huesaque culpaqueingün’ (Génesis 13:13; 18:20). Inaduamaiñ cüla dungu pengelquelu chem culpan doicülei ta caquelu culpan meu.

1.   ¿Tuntepuuquei ñi huesa femün? Biblia feipiqueiñmu ngelai taiñ conal pecan cudumuhun dungu mu ca ngelai taiñ püramyeafiel ta adentun. Ca femngechi ngelai taiñ hueñeal ca ngollicahual. Cafei ngelai taiñ ngünencacheal, langümcheal ca calcu dungu femlayaiñ. Pu che femquelu tüfa rume huesa culpaquei. Feimu ngelai taiñ femngechi femal (1 Corintios 6:9-11; Apocalipsis 21:8). Biblia feipi tüfachi rume huesaque culpan trürcülelai ta caquelu huesa dungu ñi femquen pu che, fei tañi raquiduamnon rume. Por ejemplo huesa duamelafuiñ caquelu che taiñ feipin mu ca taiñ femün meu (Proverbios 12:18; Efesios 4:31, 32). Huelu Biblia feipi com tüfachi dungu huesa dungu tati, feimu ngelai taiñ feipial: “Chem dungu no tañi huesa femün” pilayaiñ. Femfuliyiñ doi huesa culpayafuiñ (Mateo 5:27, 28).

2.   ¿Chem duam mu femi? Quiñeque mu culpaqueiñ quimnolu Chau Dios tañi dungu (Hechos 17:30, TNM; 1 Timoteo 1:13). Biblia feipi quiñe che femle tüfa cümelai, huelu trürcülelai ta quiñe che huesa femlu, fei tañi quimfiel Chau Dios tañi dungu (Números 15:30, 31). Feichi che femngechi femlu, “huesa piuquengei” pilei ta Biblia (Jeremías 16:12).

3.   ¿Tunte rupa femngechi culpai? Quiñe che huesa femlu quiñe rupa müten trürcülelai ta cangelu che femquelu quiñe huesa dungu fentren rupa pilei ta Biblia (1 Juan 3:4-8). Chau Dios condenaquefi pu che ‘amulelu ñi culpamequen’ quimnielu ti rüfngechi dungu (Hebreos 10:26, 27).

 Pu che cutrancauquei rume huesa culpalu. Chumngechi ñi feipin ti lonco ülmen David: “Tañi culpan huente ñi lonco meu reque mülei. Rume fanei iñche meu” (Salmo 38:4). Tati Biblia eluqueiñmeu quiñe maneluhun. Feipicünui: “Ti huesa huentru elcünupe ñi rüpü ca ti huesa piuquengelu elcünupe ñi raquiduam; huiñotupe Jehová meu, tañi cutranpiuqueyeaeteu, huiñotupe taiñ Chau Ngünechen mu, quisu am tañi fütra huiñoduamatuaeteu” (Isaías 55:7).