Biblia cüme pengelqueiñmeu Chau Dios tañi mülen. Taiñ feyentual Chau Dios mu, mülei taiñ cüme raquiduamal, inalayafiyiñ chem tañi raquiduamqueel caquelu pu che (Romanos 12:1; 1 Juan 5:20). Peafiyiñ chem taiñ quimeltueteu Biblia Chau Dios tañi rüf mülen.

•   Itrofill mülelu norcülei ca mülei mongen fill püle. Tüfa pengeli tañi deumangen. Biblia feipi: “Com ruca mülei ñi deumayaeteu ta inei rume, huelu Ngünechen deumai com tati müleyelu” (Hebreos 3:4). “Quiñe pecan quimeltun troquifiñ” piafuimi, huelu fentren che adümuucülelu, feita cüme quimeltun troquifingün.⁠ a

•   Tati pu che duamniei ñi quimal chumngelu mongelequeiñ. Quimnolu engün hueñancünagi. Pu che femngechi duamcülelu duamniei ñi quimal ta Chau Dios ca ñi poyeafiel, fei ñi ayüucüleal feipi Biblia (Mateo 5:3; Apocalipsis 4:11). Deumaeiñmu Chau Dios, elcünuqueiñmu taiñ piuque mu taiñ quimafiel ca taiñ poyeafiel. Tüfa pengeli tañi mülen Chau Dios. Quisu piuqueyeiñmu ca ayüquei taiñ hueniyeafiel. Femliyiñ, ayüucüleaiñ (Mateo 4:4).

•   Fentren dungu ñi feipin Biblia huechurpui fentren tripantu ñi huirintucungeel. Com femtripalelu cai, pu huentru ñi huirintucun no tati, doi mai Chau Dios mu cüpai Biblia tañi feipin (2 Pedro 1:21).

•   Pu huirintuculu Biblia mu doi adümuuquefui ciencia quimün mu petu ñi quimngenon feichi antü mu. Cuifi quiñeque mapu meu, pu che raquiduamquei chi Mapu recülcülequei huente elefante meu, piquefuingün. Huelu Biblia feipi ti fütra huenu mu pültrücünufi reque ti Mapu chem meu no rume (Job 26:7). Biblia feipi tati Mapu chincülcülei cam moncolcülei (Isaías 40:22). Fentren che raquiduamquei Chau Dios feipifi tati pu huirintuculu Biblia com tüfachi dungu.

•   Biblia huiñoldungui fentren ramtun nielu pu feyentuquenolu Chau Dios mu. Tüfa quiñeque: Chau Dios, ¿cüme Dios ngei? ¿Com nehuen-ngei? ¿Chumngelu mülei fentren huesaque dungu ca cutrancahun? ¿Chumngelu tati religion coneltuquei fentren huesaque dungu mu? Biblia ñi huiñoldungun quelluafeimu tami feyentual Chau Dios mu (Tito 1:16).