Fentren rulpadungun Biblia mu, pünengequei tati dungun infierno cam cütral mapu (Salmo 55:15, Reina-Valera [edición de 1909]; Hechos 2:27, Ngünechen tañi Küme Dungu). Chumngechi pengeli tati adentun, femngechi raquiduamquei fentren che, ñi rumel cutrancangeal tati huesaque che cütral mu. Huelu, ¿feichi dungu quimeltui ta Biblia?

Tüfachi troquiñ mu peaiñ:

•  Feiti cütral mapu, ¿cheu ñi rumel cutrancangequen tati pu che?

•  ¿Chem pifel tati nütram ti ricu huentru ca Lázaro?

•  Tañi mülen Rüngan mu, ¿feipiafui tañi püntülen Ngünechen meu?

•  ¿Huiñotui quiñeque che Rüngan meu?

•  Quiñeque troquiñ Biblia dungulu tati infierno cam Rüngan meu

•  Cuifi huirintucuel Biblia mu

•  Ñi feipingequeel infierno mu

 Feingelai. Biblia mu, hebreo quehun feipilei Seol ca griego quehun feipilei Hades. Quiñeque cuifique Biblia mu, tüfa rulpadungungequei infierno cam cütral mapu, huelu tüfa cüpa feipi tati Rüngan cheu ñi mülen tati pu la. Biblia feipi tati pu mülelu Rüngan mu mongelelaingün, ngehuetulaingün.

•   Pu layelu chem dungu rume quimhuetuquelai, feimu cutrantuquelaingün. Biblia feipi: “Ngenolu am cüdau, adcünun, quimün ca ngüneduamün Rüngan meu, cheu tami amual” (Eclesiastés 9:10). Feimu tati Rüngan mu ngelai cutrancahun, doi mai Biblia feipi: “Yehuelcaupe tati pu huesaque che, Rüngan mu ñücüfcülehuepe” (Salmo 31:17; 115:17).

•   Chau Ngünechen adcünui tati pu huesaque che ñi layal müten, feipilafi ñi cutrancahual quiñe cütral mapu mu. Ngünechen feipifi tati hunen huentru Adán feyentunolmi, layaimi (Génesis 2:17). Turpu feipilafi rumel cutrancanieayu cütral mu. Rupachi antü mu Adán culpai, feimu feipingei: “Mapu anta eimi, fei mapu meu ta huiñotuaimi” (Génesis 3:19). Felei, Adán ngehueturquelayai. Ngünechen cüpa yefile quiñe cütral mapu mu, feipiafui llemai. Famülque mu ca femngechi felei müten, feimu ti Biblia feipi: “Ti culpan, ¿chumngechi culliqueiñmeu? Elcünueiñmeu taiñ layal” (Romanos 6:23). “Tuchi lalu, rulpacünuñmangei ñi culpan”, feimu duamfalngelai ñi rumel castigamequengeal (Romanos 6:7).

•   Raquiduamün mu müten ñi rumel cutrancangeal ta che cütral mapu mu, ünufalngei ta Ngünechen mu (Jeremías 32:35). Biblia am feipilu “Chau Ngünechen fei ta piuqueyen”, turpu cutrancachelayafui (1 Juan 4:8). Ngünechen ayüquei taiñ serfiafiel taiñ piuqueyefiel mu, fei llicanon mu taiñ castigayaeteu (Mateo 22:36-38).

•   Mülequefui cümeque che amulu tati Rüngan meu. Quiñeque Biblia mu huirintuculelu tati dungun infierno, feipingün quiñeque cümeque huentru Jacob ca Job ñi amual tati infierno cam Rüngan meu (Génesis 37:35; Job 14:13). Ca feipingei Jesús ñi mülen tati infierno cam Rüngan mu cüla antü fei huiñomongetulu hula (Hechos 2:31, 32). Feimu tati Biblia mülele ti dungun infierno, cüpa feipi tati Rüngan. a

 Tüfachi nütram ñi feipiel Jesús mülei Lucas 16:19-31. Tüfachi nütram ñi entuel Jesús, feita quiñe ejemplo müten. Biblia mu mülei fentren ejemplo, quimeltueiñmu chumngechi Dios pequefi tati dungu ca chumngechi yenieal taiñ mongen (Mateo 13:34). Tami doi quimal, peaimi ti troquiñ feipilelu “¿Quiénes eran el hombre rico y Lázaro?”.

 Felelai. Tañi quimeltuqueel pu lachi huesaque che cutrancaucülequei Rüngan cam infierno meu, chaftuquei tañi quimeltuqueel ta Biblia. Biblia feipi tati pu la turpu quimhuetuquelai (Salmo 146:3, 4; Eclesiastés 9:5).

 Mai. Biblia feipieiñmu ailla che ñi amun ti Rüngan meu ca rupachi antü mu huiñomongetuingün. b Quimtucuniele ñi mülepun ti Rüngan mu engün, feipiafuingün chem ñi rupan fei mu. Huelu quiñe no rume feipilai ñi cutrancangen fei mu ca chem ñi rupan engün. ¿Chumngelu am? Biblia quimeltuquei tati pu lalu chem rume quimhuetuquelaingün umautulelu reque (Juan 11:11-14; 1 Corintios 15:3-6).