Jesus turpu eluwlay ñi adentungeal kiñe retrato mu, feymu iney no rume kimlay chem adngefuy. Welu fentren che afkentu adentuñmakefi ta Jesus retrato mu.

Rüfkünu may, pu dewmakelu retrato rüf kimlayngün chem adngefuy Jesus. Doy may, adentukünufingün ta Jesus chumngechi rakiduamkefuy, feyentukefuy ka ayükefuy pu che feychi antü mu. Feychi retrato welukünuafuy pu che ñi trokifiel ta Jesus ka tañi kimeltun.

Kiñeke dewmakelu retrato adentukünufi ta Jesus kiñe newen-ngenochi wentru reke weñangkülelu, fütrakelu ñi longko ka muni payun nielu. Kakelu retrato mu, Jesus pengelkünungey kiñe wilüfkülechi küme püllü reke ka ñi duamtukenofiel pu che. Welu, ¿rüf femngechi adngepey may Jesus? ¿Chumngechi kimafuiñ tüfa? Ngüneduamafuiñ kiñeke texto Biblia taiñ rakiduamelaetew Jesus tañi ad mu, ka pengelaeiñmu chem taiñ longkontukual Jesus mu.

Tüfa ñi feypiel Jesus ngillatun mu fawtisawlu peno (Ebrew 10:5; Matew 3:13-17). ¿Chumngefuy feychi kuerpu? 30 tripantu kuyfi mu, ti küme püllü Gabriel feypifi ta Maria: “Fey niepüñeñaymi. Nieaymi ta kiñe wentru püñeñ, [...] Ngünechen ñi Fotüm pingeay” (Luka 1:31, 35). Feymu Jesus kulpan-ngenochi wentrungefuy, Adan reke we dewmangelu (Luka 3:38; 1 Korintio 15:45). Ka femngechi Jesus küme ad niepelafuy ka pu judio reke femngefuy, yepalu am tañi ñuke mu.

Kom pu judio tañi antü mu reke, Jesus niekefuy payun, fey trürkülelafuy pu romache. Pu che niekefulu payun yamfalngefuy, feymu kom pu che küme adelkakefuy ñi payun. Rüfkünu llemay, Jesus küme adelkaniekefuy ñi payun, ka tañi longko lifkülefuy ka küme peinetulefuy. Pu nasareo müten kupil-longkokelafuy, Sanson reke (Números 6:5; Jueces 13:5).

Epe 30 tripantu mu, Jesus adümuwkefuy ñi küdawafiel mamüll, welu nielafuy ti küdaw-we mülelu famülke mu, feymu newen wentrungefuy peno (Marku 6:3). We konlu ñi amuldungual, kidulen mu wemünentufi pu negosiamekelu “kiñentrür pu ufisa ka ñi mansun engün. Ka ti trafkintupülatamekelu widpünagümüñmafi ñi pülata ka ütrüfrulpañmafi ñi mesa” (Juan 2:14-17). Ñi femel tüfa, Jesus newen wentrungefuy ürke. Jesus tañi elungeelchi kuerpu mu femürpuy ñi küdaw: “Müley tañi kimelafiel Ngünechen ñi küme dungu tati kakelu waria mew kafey, ñi femngechi femael am werküngelu ta iñche” (Luka 4:43). Afmatufali fente külfün-ngen Jesus ñi namuntu miyawal kom Palestina mew, ka ñi wüldungual feychi werkün dungu.

Jesus ayüfalngefuy ka kümelkakefuy ta che. Feymu pu “kansalelu tañi küdaw mew ka fanetulelu” ayüpelay puwal Jesus mu (Matew 11:28-30). Kidu tañi küme chengen ka piwkeyechen küme duamelkefuy pu che ayülu tañi kimaetew. Feymu pu pichikeche  kütu ayüfuy ñi fülkonal Jesus mu, fey Biblia ta feypi: “Fülümtukupafi ñi lipang mew ti pichikeche, fey fampuwülelfi ñi kuwü ta kisu, fey ngillatuñmafi” (Marku 10:13-16).

Epe puwlu ñi layal Jesus, kidu fütra kutrankawi ka müna weda duamnagi, welu weñangkülekelafuy. Kiñe rupa kiñe mafün Kana mu, Jesus pulkukünufi ti ko, femngechi ayüwülfi pu che (Juan 2:1-11). Kakelu trawün mu kimeltulelfi pu che falinke kimeltun tañi ngoymatunoel engün (Matew 9:9-13; Juan 12:1-8).

Doyelchi may, tañi amuldungun mu Jesus kimeltulelfi ñi pu allkütukeetew tañi rumel mongeleafel, tüfa kiñe ayüwün-ngechi maneluwün tati (Juan 11:25, 26; 17:3). Pu 70 disipulo feypifilu ta Jesus ñi chum tripan tañi amuldungun engün, kidu feypieyew: “Ayüwaymün tüfachi dungu mew: ñi dew wirintukulen tamün üy ta wenu mapu mew”, fey “Jesus rume ayüwüy” (Luka 10:20, 21).

Jesus tañi antü mu, pu longkolechi religioso fillke dungu femkefuy tañi ngüneduamaetew pu che ka ñi pengelkünual tañi longkolen engün (Números 15:38-40; Matew 23:5-7). Welu Jesus feypifi tañi pu apostol ñi ngenkawnoal ka ñidolkawnoal kakelu pu che mu (Luka 22:25, 26). Doy may, kidu feypifi engün: “Kuñiwtuwmün tati pu kimeltukelu Moyse ñi ley dungu mew. Ayükey engün tañi nieael chiñayngechi takuwün ka ñi chalingeael engün rume yamün mew ta pülasa mew” (Marku 12:38).

Welu kiñeke mu pu che ngüneduamkelafuy rume Jesus ñi ineyngen (Juan 7:10, 11). Ka femngechi tañi ad kakewngelafuy ñi pu 11 manelfal apostol mu. Feymu Juda ellka ngünenkafilu ta Jesus, truyufi ñi pengelafiel ta che Jesus ñi ineyngen (Marku 14:44, 45).

Müley fentren dungu taiñ kimkenoel Jesus tañi ad mu, welu rüfkünu may felelafuy chumngechi ñi pengelngeel fentren retrato mu. Fey ngüneduamfali kimal Jesus ñi rüf adngen, welu doy falin-ngey kimal chem taiñ longkontukual Jesus mu.

Pichiñma mu rupalu Jesus ñi feypiel tüfa, kidu langümngey ka elngey (Juan 14:19). Jesus wüli ñi mongen “ñi lifrenentuafiel ta kom che” (Matew 20:28). Küla antü rupalu, Chaw Ngünechen wiñomongeltufi ta Jesus ka elufi “kiñe kuerpu püllü reke feletulu” ka “elufi ñi pewfaluwtuael” kiñeke ñi pu inanieetew mu (1 Korintio 15:44; Hecho 10:40). Feychi mu, ¿chem ad nietuy Jesus? Kaletuy chi tañi ad, feymu kiñeke ñi pu doy kümeke weni kimfemwetulaeyew rume. Maria Magdalena keñafi kiñe küdawfe mu, ka ti epu disipulo rüpütulu Emaw mu kiñe katripanche trokifingu (Luka 24:13-18; Juan 20:1, 14, 15).

Famülke mu, ¿chem rakiduamaiñ Jesus mu? Fentren rupa ti apostol Juan pengelelngey ta Jesus yeniewyelu doy 60 tripantu ñi lan mu. Welu Juan pengelngelay kiñe wentru lakonmekelu kiñe kürus mu, doy may pengelelngey ti “Longko Ülmenkülelu kom longko ülmen mew ka Ñidolkülelu kom ñidol mew”, tüfa tati longkolelu Chaw Dios ñi Ngünenien mu, fey apümkayafi pu wedake che ka wedake püllü kayñetukefilu ta Chaw Ngünechen ka rumel eluafi kom pu che re kümeke dungu (Apokalipsi 19:16; 21:3, 4).