Job 10:1-22
10 ”Janiw nayajj jakañ munjjti.+
Nayajj llakinakaj qhanstayäjja.
¡Nayajj qhawqha llakitätsa ukwa parlarakëjja!
2 Diosarojj akham säwa: ‘Jan juchañchistati.
Kunatsa naya contra saytʼaskta ukay qhanañchita.
3 ¿Kun jikjjatañ laykus tʼaqesiyista?
¿Amparanakamampi lurkta ukarut uñista?+
Ukañkamajj ¿jan wali jaqenakan amtanakapti chʼamañcharakta?
4 ¿Jumajj jaqe nayranïtati?*
Jan ukajj ¿kunjamtï mä jiwir jaqejj uñjki ukhamcha uñjarakta?
5 ¿Juman urunakamajj jiwir jaqenakan urunakapjamati?
Jan ukajj ¿maranakamajj mä jaqen maranakapjamacha?+
6 Ukhamat ¿nayan pantjasitaj yatjjatañamatakiukhamarak juchaj thaqaskakiñamataki?+
7 Jumajj yatisktawa, janiw nayajj juchanïkti,+janirakiw khitis amparamat salvkitaspati.+
8 Pachpa amparanakamaw nayarojj lurasitu,+ukampis jichhajj qʼal tukjañ munistajja.
9 Mirä amp suma, amtasimaya. Jumaw ñeqʼet luristajja,+ukampis jichhajj laqʼaruw kuttʼayañ munistajja.+
10 ¿Janit lecher uñtat warjjatasajjmä quesor uñtat cuajtʼaykista?
11 Jumajj jañchi lipʼichimpi jañchimpi isthapiyistajja,maypacharojj chʼakhanakampi ankunakampi luristajja.+
12 Jumaw jakañ churistajja, munasiñampi jan jaytjasiñampiw uñjarakistajja,nayan vidaj* wali amuyumpiw imtajja.+
13 Ukampis jumajj jamasatwa nayar jan walinak lurañ amttajja.*
Nayajj yattwa, taqe akanakajj jumatwa juti.
14 Nayatï juch luriristjja, jumajj uñjitasmawa,+ukatsti janirakiw pantjasitanakaj perdonkitasmati.
15 Nayatï juchanïstjja, ¡ay kunakïkirista!
Ukampis nayatï jan juchanïkiristjja, janiw pʼeq waytkiristti,+kuna laykutejj nayajj wal phenqʼasta, wal tʼaqesirakta.+
16 Nayatï pʼeq waytiristjja, jumajj mä leonar uñtataw manqʼantañatak katuntitasma,+ukatsti nayarojj wasitat chʼamamamp usuchjitasma.
17 Jumajj machaq testigonak naya contrajj uñstaytajja,naya contrajj jukʼampiw colerastajja,nayasti kutin kutiniw jan waltʼäwinakan uñjasirakta.
18 Ukhamajj ¿kunatarak mamajan matrizapat apsustasti?+
Nayajj janïr khitin uñjkataw jiwjjañ muniriskayäta.
19 Janis kunapachas utjkiriskayäta ukhamäspänwa.
Nayajj mamajan matrizapat cheqakwa sepulturar apat uñjasiriskayäta’.
20 ¿Janit nayan urunakajajj jukʼakïki?+ Diosajj sapak jaytitpan.
Jupajj maysar uñtpan, ukhamat nayajj chʼam katjjatañajataki.*+
21 Nayajj jan kuttʼankä uka lugararuw sarjjä,+wali chʼamakapunïki* uka oraqeru,+
22 uka oraqejj wali chʼamakampi phoqantatawa.
Uka oraqensti chʼamak chʼiwimpi pantjasiñampiw jilanki,qhanas chʼamakar uñtasitawa”.
Notanaka
^ Hebreo arunjja, “¿Jumajj jañchi nayranïtati?”.
^ Jan ukajja, “samanaj”.
^ Hebreo arunjja, “Ukampis jumajj chuymamaruw ukanak imanttajja”.
^ Jan ukajja, “ukhamat mä jukʼa kusisiñajataki”.
^ Jan ukajja, “wali chʼamakäki, jiwañan chʼiwipäkaraki”.
