Salmos 105:1-45
-
Markap layku Jehová Diosan luratanakapa
105 ¡Jehová Diosar yuspärapjjam,+ sutipat artʼasipjjam,markanak taypin luratanakapat yatiyapjjam!+
2 Jupar cantapjjam, alabanzanak cantapjjam,*taqe musparkañ luräwinakapat amuykiptʼapjjam.*+
3 Santo sutipat jachʼañchasipjjam.+
Jehová Diosar thaqerinakan chuymanakapajj kusispan.+
4 Jehová Diosar thaqapjjam,+ chʼamapsa thaqapjjam,yanaptʼapsa thaqapjjapunim.
5 Musparkañ luräwinakapat amtasipjjam,milagronakapatsa castigonakapatsa amtasipjjarakim,+
6 Abrahán serviripan wawanakapa,+Jacob chachan wawanakapa, jupan ajllitanakapa.+
7 Jupajj jiwasan Jehová Diosasawa.+
Jupaw oraqpachar juzgui.+
8 Jupajj pactopat wiñayatakiw amtasi,+mä promesa luratapatsa* wiñayatakiw amtasi,+
9 Abrahán chachampi lurkäna uka pactotsa,+Isaac chachar mä juramento arskäna ukatsa,+
10 jupaw Jacob chachatakejj mä garantiyjam uka juramento luräna,Israelatakis walja tiempotak pactjam lurarakïna,
11 akham sasa: “Nayaw Canaán oraqe churäma,+uka oraqejj herenciat waktʼapktam ukawa”+ sasa.
12 Jupanakajj mä qhawqhanikïpkäna,+jïsa, wali jukʼanikïpkäna, oraqens extranjeronakjam jakapkäna+ ukapachaw ukham arsüna.
13 Jupanakajj markat marka,reinot reino* sarnaqapjjäna.+
14 Jupajj janiw khiti jaqempis jupanakarojj tʼaqesiykänti,+jan ukasti jupanak laykojj reyinakarus toqenoqänwa,+
15 akham sasa: “Ajllitanakajarojj jan llamktʼapjjamti,profetanakajarojj janirak kuna jan walsa lurapjjamti”+ sasa.
16 Diosajj markjjar manqʼat pistʼaña jutañapatakiw arsüna.+
Tʼantʼa imañanakapsa pʼakjänwa.*
17 Jupajj mä chacharuw jupanak nayra khitäna,esclavot aljatäkäna uka Josearuw khitäna.+
18 Kayunakapjja cadenanakampiw ñachʼantapjjäna,*+kunkaparus cadenanakampiw uchapjjäna.
19 Jupan arunakapajj phoqaskäna uka tiempokama,+Jehová Diosan arsutapaw juparojj qʼomachäna.
20 Reyejj jupar antutasiñapatakiw arsüna,+markanakan apnaqeripaw juparojj carcelat apsjjäna.
21 Utap apnaqañapatakiw jupar uttʼayäna,kunanakatï jupankkäna taqe ukanak apnaqañapatakiw uttʼayäna.+
22 Ukhamat kunjamtï jupajj munki ukarjam reyin principenakapjjar autoridadanïñapatakiukhamarak ancianonakapar* yatiñanïñ yatichañapataki.+
23 Ukatjja Israelajj Egipto markaruw saräna,+Jacobojj Cam oraqenwa extranjerjam jakäna.
24 Diosajj walja wawanïpjjañapatakiw markapar bendisïna,+jupanak contra saytʼirinakat sipansa jukʼamp chʼamaniruw markapar tukuyäna.+
25 Markap contra saytʼirinakarojj chuymanakap mayjtʼayapjjañapatakiw Diosajj jaytäna, ukhamat markapar uñisipjjañapatakiukhamarak servirinakap contra jan walinak amtapjjañapataki.+
26 Diosajj Moisés serviriparuw khitäna,+khitirutï ajllkäna uka Aaronarus+ khitarakïnwa.
27 Jupanakaw marka taypinjja* Diosan milagronakap lurapjjäna,Cam+ oraqenwa Diosan milagronakap lurapjjäna.
28 Diosajj chʼamak apayanïna, ukatsti Egipto oraqejj chʼamaktʼjjänwa.+
Jupanakasti* arunakapar istʼapjjänwa.
29 Umanakapjja wilaruw jupajj tukuyäna,chawllanakapsa jiwarayänwa.+
30 Jupanakan markapas kʼayranakamp phoqantatänwa,+reyin cuartonakapas ukanakamp phoqantatänwa.
31 Diosajj achusir chhichhillankhanakaruw phoqantapjjañapatak mä orden churäna,jiskʼa chhichhillankhanakarus* ukhamaraki, ukhamat taqpach oraqenakapar phoqantapjjañapataki.+
32 Jalljja chhijchhiruw tukuyäna,lliju llijunakwa* oraqenakapar apayanïna.+
33 Uvas yapunakapsa higos yapunakapsa tukjänwa,oraqenakapan qoqanakapsa* qʼal tukjarakïna.
34 Jupan arsutaparjamaw langostanakajj* phoqantapjjäna,jan jaktʼkaña walja wawa langostanakaw utjäna,+
35 uka langostanakaw markankir taqe chʼojjña alinak manqʼantapjjäna,oraqen achunakapsa manqʼantapjjarakïnwa.
36 Ukatjja markankir taqe jilïr yoqall wawanakaruw jiwarayäna,+nayrïr wawanakaparuw jiwarayäna.
37 Jupaw markaparojj qollqeni qorini irpsüna,+tribunakap taypitjja janiw khitis aynachtʼkänti.*
38 Israelitanakajj sarjjapjjäna ukhajja, egipcionakajj wal kusisipjjäna,kuna laykutejj Israelar* wal ajjsarapjjäna.+
39 Diosajj jupanakar jarkʼaqañatakejj mä qenaywa apayanïna,+arum qhantʼañapatakejj ninwa apayanirakïna.+
40 Jupanakajj aycha mayipjjäna, ukatwa Diosajj khullunak jupanakar apayanïna,+alajjpach tʼantʼampejj jupanakar sistʼayaskakïnwa.+
41 Jupajj mä qarqa* jistʼaräna, ukatsti umaw jalsüna,+mä jawirjamaw wasarnam jalarakïna.+
42 Kuna laykutejj Abrahán serviripar sagrado promesa luratapatwa amtäna.+
43 Ukatsti markaparuw irpsüna, markapasti wal kusisïna,+ajllitanakaparuw irpsüna, jupanakajj kusisiñatwa arnaqasipjjäna.
44 Jupajj markanakan oraqenakapwa jupanakar churäna,+kunanaktï yaqha markanakajj wali chʼamampi jikjjatapkäna ukanakwa jupanakajj herenciat katoqapjjäna,+
45 ukhamat Diosan decretonakap phoqapjjañapataki+ukhamarak leyinakapar istʼapjjañapataki.
¡Jah Diosar jachʼañchapjjam!*
Notanaka
^ Ukajja, “parlapjjam” sasaw jaqokipasirakispa.
^ Jan ukajja, “music tukapjjam”.
^ Hebreo arunjja, “kuna arunaktï arskäna ukanaksa”.
^ Jan ukajja, “gobiernot gobierno”.
^ Hebreo arunjja, “Tʼantʼa imañ lawanakap pʼakjänwa”. Ukham sasinjja, inas tʼantʼanak uchañ lawanakat parlaskchi.
^ Variante: “chʼoqantapjjäna”.
^ Jan ukajja, “jilïr irpirinakapar”.
^ Amuyatajja, egipcionakatwa parlaski.
^ “Jupanakasti” sasinjja, inas Moisesampit Aaronampit parlaskchi.
^ Jan ukajja, “jején sat mosquitonakarus”.
^ Jan ukajja, “aqkir ninanakwa”.
^ Jan ukajja, “arbolanakapsa”.
^ Jan ukajja, “lanktʼaskänti”.
^ Hebreo arunjja, “jupanakar”.
^ Variante: “jaqhe”.
^ Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
