¿Qhawqha tiempos uka tantachäwejj apasini?

Uka tantachäwejj niya mä horäniwa.

¿Kawkjansa uka tantachäwejj apasini?

Uk yatiñatakejj jakaskta uka cheqankir mä Testigoruw jisktʼasma.

¿Uka tantachäwinkañatakejj pagañati?

Janiwa.

¿Uka tantachäwin qollqejj mayispachati?

Janiwa.

¿Kunjam isthaptʼat sarañas wakispacha?

Ukar sarañatakejj janiw wali musparaykir isinak uchasiñajj wakiskiti. Ukampis Jehová Diosan Testigonakapajja, kunjamtï Bibliajj siski ukarjam wali amuyumpi sum isthaptʼasiñatakiw chʼamachasipjje (1 Timoteo 2:9). Janiw jila alani isinak uchasiñajj wakiskapuniti.

¿Kunjamas uka tantachäwejj apasini?

Tantachäwi qalltañatakejj mä cancionaw cantasini, ukatjja mä oracionaw lurasini. Ukjjarusti kunatsa Jesusan jiwañapajj wakisïna, kuntï Jehová Diosampi Jesucristompejj jiwas layku lurawayapki ukajj kunjamsa yanaptʼistu, uka toqenakatwa mä discursojj Bibliarjam arstʼasini. Tukuyañatakejj mä cancionaw cantasini, ukjjarojj mä oracionaw lurasirakini.

Jukʼamp yatiñatakejja, “¿Por qué los testigos de Jehová celebran la Cena del Señor de forma diferente a otras religiones?” sat yatichäwi liytʼäta.

Jutïr maranakanjja, ¿kuna fechanakansa Jesusan jiwatapajj amtasini?

2025: sábado 12 de abril.

2026: jueves 2 de abril.