Зәбур 108:1—13
Давудун мәзмуру.
108 Үрәјим мәтиндир, еј Аллаһ,
Бүтүн варлығым шәнинә нәғмә дејәҹәк.
2 Дилләнин, еј телли аләтләр, еј чәнҝләр!
Мән сүбһ шәфәгини ојадарам.
3 Сәни елләр ичиндә уҹалдарам, еј Јеһова,Халглар арасында шәнинә нәғмә дејәрәм.
4 Чүнки мәһәббәтин бөјүкдүр, ҝөјләрә чатыр,Вәфадарлығын асимана уҹалыр.
5 Худаја, ҝөјләр үзәриндә уҹал,Гој ҹалалын бүтүн ҹаһаны бүрүсүн.
6 Сағ әлинлә бизә гуртулуш вер, мәнә һај вер,Гој истәкли бәндәләрин ниҹат тапсын.
7 Мүгәддәс Аллаһ* деди:
«Севиниб-ҹошаҹағам, Сиһамы истәдијим кәсә пај верәҹәјәм,Суггут дәрәсини өлчүб бөләҹәјәм.
8 Ҝилад Мәнимдир, Мәнәссә Мәним,Әфраим башымын дәбилгәсидир*,Јәһуда әлимдә өндәр әсасыдыр.
9 Муаб јујунмаг үчүн тештимдир,
Сәндәлими Әдума туллајаҹағам,
Филиштин үстүнә зәфәр һарајы чәкәҹәјәм».
10 Ким мәни истеһкамлы шәһәрә апарар?
Ким мәни Әдума гәдәр апарар?
11 Сәндән башга ким буну едәр, еј Аллаһ?Еј бизи тәрк едән, даһа ордуларымызын үстүндә дөјүшә чыхмајан Аллаһымыз.
12 Бизә көмәк ол, сыхынтыдан гуртулаг,Әбәсдир инсандан хилас ҝөзләмәк.
13 Биз Аллаһдан ҝүҹ аларыг,О, дүшмәнләримизи тапдалајар.
