Ибраниләрә 5:1—14
5 Инсанлар арасындан сечилән һәр бир баш каһин бәхшишләр вә ҝүнаһлара ҝөрә гурбанлар тәгдим етмәк үчүн+ инсанларын рифаһындан өтрү Аллаһын гаршысында хидмәтә+ тәјин едилир.
2 Онун өзүнүн дә зәифликләри олдуғу үчүн билмәдән ҝүнаһ иш тутан адамларла шәфгәтлә давранмағы баҹарыр.
3 Буна ҝөрә дә о, халгын ҝүнаһлары илә јанашы, өз ҝүнаһлары үчүн дә гурбан тәгдим етмәли олур.+
4 Бу шәрәфли вәзифәјә инсан өзү наил олмур, јалныз Һарун кими, Аллаһ тәрәфиндән дәвәт аланда наил олур.+
5 Ејнилә, Мәсиһ дә өзү өзүнү баш каһин тәјин едиб өзүнү уҹалтмады,+ ону «сән Мәним оғлумсан. Бу ҝүн Мән сәнә Ата олдум» дејән уҹалтды.+
6 Башга бир јердә исә О, белә дејир: «Сән Мәликсадиг+ тимсаллы әбәди каһинсән».
7 Мәсиһ јер үзүндә јашадығы ҝүнләрдә ону өлүмдән гуртармаға гадир олан Аллаһа фәрјад етмиш, ҝөз јашлары+ илә јалвармыш, диләмишди вә Аллаһдан горхдуғуна ҝөрә дуалары ешидилмишди.
8 О, Аллаһын Оғлу олса да, чәкдији әзаблар сајәсиндә итаәтли олмағы өјрәнди+
9 вә камиллијә јетишәндән+ сонра она итаәт едән инсанларын әбәди хиласы үчүн васитәчи олду,+
10 чүнки Аллаһ ону Мәликсадиг тимсаллы баш каһин+ тәјин етди.
11 Онун барәсиндә һәлә чох шеј демәк олар, амма зеһниниз күтләшдији үчүн буну изаһ етмәк мүшкүл мәсәләдир.
12 Индијә сиз артыг мүәллим олмалыјдыныз, анҹаг елә бир вәзијјәтдәсиниз ки, кимсә сизә лап башдан Аллаһын мүгәддәс сөзләри илә бағлы ибтидаи тәлимләри+ јенидән өјрәтмәлидир. Сизә бәрк гида јох, јенә сүд лазымдыр.
13 Сүдлә гидаланан адам салеһлик сөзү илә таныш дејил, чүнки һәлә көрпәдир.+
14 Бәрк гида исә јеткин адам үчүндүр. Белә адам ағлыны* даима ишләтмәклә ону јахшыны писдән ајырмаға өјрәшдириб.
Һашијәләр
^ Јахуд дәркетмә габилијјәтини.
