Мәсәлләр 30:1—33
30 Јаги оғлу Ағурун Исаилә вә Үҹала дедији кәламлар.
2 Мән һәр кәсдән ҹаһиләм,+Бәшәри идрака малик дејиләм.
3 Нә һикмәтә јијәләнмишәм,Нә дә Мүгәддәсин елминә чатмышам.
4 Ким ҝөјләрә галхыб? Орадан ким ениб?+
Ким күләји овуҹларына јығыб?
Ким сују палтарына бүкүб?+
Ким јерин һүдудларыны бәргәрар едиб?+
Онун адыны билирсән? Бәс оғлунун адыны?
5 Аллаһын һәр кәлмәси сафдыр.+
Аллаһ Она пәнаһ апаранлар үчүн галхандыр.+
6 Онун сөзләринә һеч нә әлавә етмә,+Јохса сәни тәнбеһ едәр.Јаланчы чыхарсан.
7 Сәндән ики шеј истәјирәм.
Нә гәдәр ки сағам, онлары мәндән әсирҝәмә.
8 Сахтакарлығы вә јаланы мәндән узаг ет.+
Мәни нә касыб елә, нә дә варлы.
Гәдәриндә јејим ки,+
9 Тохлугдан Сәни данмајым, «Јеһова кимдир?» демәјим.+
Нә дә јохсул олуб оғурлуг етмәјим, Аллаһымын адына ләкә ҝәтирмәјим.
10 Ағанын јанына ҝедиб нөкәри шәрләмә,Јохса сәнә гарғыш едәр, сән дә тәгсиркар оларсан.+
11 Нәсил вар ки, атасына ләнәт едир,Анасына һөрмәт гојмур.+
12 Нәсил вар ки, өзүнү тәмиз сајыр,+Амма чиркабындан тәмизләнмәјиб.
13 Нәсил вар ки, ҝөјлә ҝедир,Ҝөзләриндән тәкәббүр јағыр!+
14 Нәсил вар ки, дишләри, санки, гылынҹдыр,Чәнәси хәнҹәрдир.Дүнјанын мәзлумларыны,Касыб-кусубу дири-дири удур.+
15 Зәлинин «вер, вер» гышгыран ики гызы вар.
Үч шеј вар ки, дојмаг билмәз.Дөрд шеј вар ки, «јетәр» демәз.
16 Мәзар*,+ гысыр бәтн,Гураг торпаг,«Бәсдир» демәјән алов.
17 Атаја ришхәнд едәнин, ана сөзүнә бахмајанын+ ҝөзләриниДәрә гузғунлары дәләр,Гартал балалары јејәр.+
18 Ағлым кәсмәјән үч шеј вар,Дөрд шеји баша дүшмүрәм:
19 Гарталын сәмада јолуну,Иланын гаја үзәриндә јолуну,Ҝәминин дәрјада јолуну,Кишинин гызын гәлбинә јолуну.
20 Зинакар гадынын јолу беләдир:
Јејир, ағзыны силир,Сонра дејир: «Нә пис иш ҝөрмүшәм ки?»+
21 Үч шеј вар ки, јери ләрзәјә ҝәтирир,Дөрд шејә јер дөзмүр:
22 Гулун падшаһлыг етмәсинә,+Ахмағын хиртдәјәҹән јемәсинә,
23 Севилмәјән гадынын әрә ҝетмәсинә,Кәнизин өз ханымынын јерини тутмасына.+
24 Дүнјада кичиҹик дөрд шеј вар,Амма онлар фөвгәл һикмәт саһибидир:+
25 Гарышгалар ҝүҹлү мәхлуг дејил,Амма јајда азугә тәдарүк едирләр.+
26 Гајадовшанлары+ да ҝүҹлү дејил,Амма јуваларыны гајаларда гурурлар.+
27 Чәјирткәләрин+ һөкмдары олмур,Амма һамысы низамла ирәлиләјир.+
28 Кәртәнкәлә*+ ајаглары илә јапыша-јапышаПадшаһ сарајына ҝирир.
29 Үч шеј вар ки, јериши мөһтәшәмдир,Дөрд шеј вар ки, ҝедиши әзәмәтлидир:
30 Һејванлар арасында ән ҝүҹлүсү,Һеч нәјин гаршысындан ҝери чәкилмәјән аслан,+
31 Тазы, тәкә,Орду өнүндә ҝедән падшаһ.
32 Әҝәр ахмаглыг едиб өзүнү уҹалтмысанса,+Јахуд үрәјиндән белә бир шеј кечибсә,Әлинлә ағзыны јум.+
33 Чүнки сүдү чалхалајанда јағ јығылыр,Бурну әзәндә ган ҝәлир,Гәзәби гызышдыранда дава дүшүр.+
