1 Коринфлиләрә 10:1—33
10 Гардашлар, истәјирәм ки, аҝаһ оласыныз. Әҹдадларымызын һамысы булудун алтында идиләр+ вә һамысы дәниздән кечди.+
2 Онлар булудун алтында дәниздән кечәрәк Мусанын давамчылары кими вәфтиз олундулар.
3 Һамысы ејни руһани гидадан једи+
4 вә ејни руһани судан ичди.+ Чүнки әҹдадларымыз онлары мүшајиәт едән руһани гајадан ичирдиләр. Бу гаја Мәсиһи тәмсил едирди.+
5 Бунунла белә, онларын әксәријјәти Аллаһын наразылығына туш ҝәлди, онлар сәһрада өлдүләр.+
6 Бүтүн бунлар бизә ибрәт олмалыдыр ки, биз дә онлар кими, зәрәрли шејләри арзуламајаг.+
7 Онлардан бәзиләри кими, бүтпәрәст олмајаг, неҹә ки јазылыб: «Онлар јејиб-ичдиләр вә галхыб шәнләнмәјә башладылар».+
8 Һәмчинин онлардан бәзиләри кими әхлагсызлыг етмәјәк. Онлар әхлагсызлыг етдиләр вә бир ҝүнүн ичиндә ијирми үч мин адам өлдү.+
9 Јеһованы сынамајаг.+ Онлардан бәзиләри Ону сынаға чәкди вә иланлар онлары чалыб өлдүрдү.+
10 Һәм дә дејинҝән олмајаг, ахы онлар да дејинирдиләр+ вә ахырда мәләк онлары мәһв етди.+
11 Бүтүн бунлар ибрәт кими онларын башына ҝәлди вә бу дөврүн сонунда јашајан бизләр үчүн хәбәрдарлыг+ мәгсәдилә јазылыб.
12 Буна ҝөрә дә мөһкәм дајандығыны дүшүнән адам еһтијатлы олсун ки, јыхылмасын.+
13 Үзләшдијиниз сынагларда гејри-ади бир шеј јохдур, һамы белә сынагларла үзләшир.+ Анҹаг Аллаһ вәфалы Аллаһдыр, О гојмаз ки, сиз ҝүҹүнүз чатмајан сынаглара мәруз галасыныз.+ Сынаг вахты дөзә биләсиниз дејә, сизә чыхыш јолу да ҝөстәрәҹәк.+
14 Әзизләрим, буна ҝөрә дә бүтпәрәстликдән гачын.+
15 Мән сизинлә дәрракәли адамлар кими данышырам. Инди өзүнүз гәрар верин.
16 Мәҝәр барәсиндә шүкүр етдијимиз шүкран ҹамы Мәсиһин ганыны тәмсил етмир?+ Јахуд бөлдүјүмүз чөрәк Мәсиһин бәдәнини тәмсил етмир?+
17 Мадам ки чөрәк бирдир, биз дә чох олсаг да, бир бәдәник,+ чүнки һамымыз бир чөрәкдән јејирик.
18 Исраил халгына фикир верин. Мәҝәр гурбандан јејән гурбанҝаһла ортаг олмур?+
19 Бунунла нә демәк истәјирәм? Демәк истәјирәм ки, бүт, јахуд бүтә тәгдим едилмиш гурбанын бир мәнасы вар?
20 Јох, дедијим одур ки, башга халглар гурбанлары Аллаһа јох, ҹинләрә ҝәтирирләр.+ Мән исә истәмирәм ки, сиз ҹинләрлә ортаг оласыныз.+
21 Сиз һәм Јеһованын ҹамындан, һәм дә ҹинләрин ҹамындан ичә билмәзсиниз. Сиз һәм «Јеһованын сүфрәсиндән»,+ һәм дә ҹинләрин сүфрәсиндән јејә билмәзсиниз.
22 Јохса «Јеһованы аҹыгландырмаг» истәјирик?+ Мәҝәр биз Ондан ҝүҹлүјүк?
23 Һәр шејә изин вар, анҹаг һәр шеј инсана фајда ҝәтирмир. Һәр шејә изин вар, анҹаг һәр шеј инсаны руһән мөһкәмләндирмир.+
24 Гој һеч кәс өз хејрини дүшүнмәсин, башгасынын хејрини дүшүнсүн.+
25 Әт базарында сатылан һәр шеји сорғу-суалсыз, тәмиз виҹданла јејин,
26 чүнки «јер вә онун үзәриндәки һәр шеј Јеһованындыр».+
27 Әҝәр иманда олмајан адам сизи евинә дәвәт етсә вә сиз ҝетмәк истәсәниз, габағыныза нә гојсалар, сорғу-суалсыз, тәмиз виҹданла јејин.
28 Ишдир, кимсә «бу гурбанлыгдыр», — десә, онда буну сизә дејәнә ҝөрә вә виҹдана ҝөрә јемәјин.+
29 Виҹдан дејәркән сизинкини јох, һәмин адамын виҹданыны нәзәрдә тутурам. Ахы нәјә ҝөрә башгасынын виҹданы мәним азадлығымы мүһакимә етсин?+
30 Әҝәр шүкүр едиб јејирәмсә, нијә шүкүр етдијим шејдән өтрү кимсә мәним һаггымда пис данышсын?+
31 Буна ҝөрә дә истәр јејәндә, ичәндә, истәрсә дә башга бир иш ҝөрәндә һәр шеји елә един ки, Аллаһ шәрәфләнсин.+
32 Иман јолунда нә јәһудиләр, нә јунанлар, нә дә Аллаһын јығынҹағы үчүн манеә олмајын.+
33 Неҹә ки мән дә чох адамын хилас олмасы үчүн өзүмүн јох, башгаларынын јахшылығыны дүшүнүрәм,+ һамыны һәр шејдә разы салмаға чалышырам.+