Бәзән сизә јениҹә охудуғунуз мәлуматы јадыныза салмаг чәтин олур? Бу, вахташыры һәр биримизлә баш верир. Бәс сизә нә көмәк едә биләр? Әсас фикирләри тәкрарламаг.

Мүталиә едән заман арабир дајаныб әсас фикирләри ҝөздән кечирин. Ҝөрүн һәвари Булус онун мәктубуну арашдыран баҹы-гардашлара бу саһәдә неҹә көмәк етмишди. О јазмышды: «Дедијимиз бу шејләрин мәғзи будур» (Ибр. 8:1). Бу јолла онлара онун јаздыгларынын мәнасыны анламаға вә фикирләрин әсас мөвзу илә неҹә бағлы олдуғуну ҝөрмәјә көмәк едирди.

Мүталиә едәндән сонра ахырда бир аз, мәсәлән, 10 дәгигә вахт ајырыб охудуғунуз әсас фикирләр үзәриндә дүшүнә биләрсиниз. Әҝәр онлары јада сала билмирсинизсә, башлыглары вә һәр абзасын биринҹи ҹүмләсини нәзәрдән кечирин. Јени бир шеј өјрәнәндә ону өз сөзүнүзлә изаһ етмәјә чалышын. Әсас фикирләри тәкрарламағын сајәсиндә һәм онлар јадынызда галаҹаг, һәм дә охудугларынызы һәјатынызда тәтбиг етмәјин јолуну даһа ајдын ҝөрәҹәксиниз.