Индики зәманәдә чохларынын чөрәји дашдан чыхыр, инсанлар ҝүҹ-бәла илә доланырлар. Тәәссүфләр олсун ки, дүнјанын бу тәлатүмлү һалы доланышығы даһа да чәтинләшдирир.

• Бәдбәхтлик баш верән әразиләрдә адәтән ев пулу, әрзагларын гијмәти галхыр.

• Бөһран оланда ишсизлик артыр, маашлар азалыр.

• Фәлакәт баш верәндә инсанларын еви, бизнеси, әмлакы ҹидди зијан чәкир, јахуд тамамилә алт-үст олур. Әһали јохсуллашыр.

• Пулунузу дүзҝүн хәрҹләсәниз, бөһран баш верәндә доланышығыныз мүәјјән гәдәр сабит олаҹаг.

• Әҝәр инсанын мадди вәзијјәти јахшыдырса, бу о демәк дејил ки, һәмишә белә олаҹаг. Мәваҹибиниз, јығдығыныз пул, әмлакыныз дәјәрдән дүшә биләр.

• Елә шејләр вар ки, онлары пулла алмаг олмур, мәсәлән, хошбәхтлији, аилә сәадәтини.

Мүгәддәс Китабда дејилир: «Јемәјимиз, палтарымыз варса, бунлара гане олаҹағыг» (1 Тимутијә 6:8).

Башга сөзлә, истәкләримизи ҹиловламалыјыг, ҝүндәлик тәләбатларымыз өдәнилирсә, буна шүкүр етмәлијик. Хүсусән дә доланышығымыз чәтин оланда бу чох ваҹибдир.

Мүгәддәс Китабдакы бу мәсләһәтә әмәл етмәк үчүн, ола билсин, сизә гәнаәт етмәји өјрәнмәк лазым ҝәләҹәк. Әҝәр ајағынызы јорғаныныза ҝөрә узатмырсынызса, онда мадди вәзијјәтиниз лап писләшәҹәк.