Мүгәддәс Јазылары гәләмә аланлардан бири гејд едир ки, һәр шеји лап башдан дәгигликлә арашдырараг ардыҹыллыгла јазыб (Инҹил, Лука 1:3).

Бәзиләринин иддиа етдијинә ҝөрә, Иса пејғәмбәрин мүасирләри (Матта, Марк, Лука вә Јәһја тәрәфиндән гәләмә алынан Мүждәләр) Иса Мәсиһин һәјаты вә хидмәтиндән бәһс едилән Инҹилин илк дөрд бөлмәси — бизим ерамызын дөрдүнҹү әсриндә дәјишиклијә мәруз галмышдыр.

Лакин XX әсрин әввәлләриндә Мисирдә тапылмыш Јәһјанын Мүждәсинин өнәмли олан бир фрагменти бу фикри тәсдиг етмир. Инди Рајлендс папирусу 457 (P⁵²) кими танынан бу әлјазма Инҝилтәрәнин Манчестер шәһәринин Ҹон Рајлендс китабханасында сахланылыр. Әлјазманын мәтни мүасир Инҹилин Јәһја 18:31—33, 37, 38 ајәләринә ујғун ҝәлир.

Һал-һазырда бу, Инҹилин ән гәдим әлјазмасынын фрагменти һесаб олунур. Бир чох алимләр белә гәнаәтә ҝәлибләр ки, бу әлјазма орижиналдан 25 ил сонра, тәхминән б. е. 125-ҹи илиндә јазылыб. Тапылан фрагментин мәтни сонракы мәтнләрлә, демәк олар ки, там олараг үст-үстә дүшдүјүнү үзә чыхармышдыр.