24 yanvar 2021-ci il tarixində Zimbabve jest dilində «Məttanın müjdəsi» işıq üzü görüb. Nitq qabaqcadan yazıya alınmışdı və onu Zimbabve filialının komitə üzvü Taurai Mazarura təqdim etdi.

Zimbabvedə jestdilli yığıncaqlarda xidmət edən 401 təbliğçi bu elanı böyük sevinclə qarşıladı. Onlar kitabdan şəxsi mütaliədə və xidmətdə böyük məmnuniyyətlə istifadə edəcəklər.

Hələ də davam edən pandemiya Zimbabve jest dilinə tərcümə edən qrup üçün əlavə çətinliklər yaratdı. Əvvəllər tərcüməçilər jest dilində danışan insanlara tez-tez baş çəkirdilər ki, dildə baş verən dəyişikliklərdən xəbərləri olsun. Ancaq COVID-19 pandemiyası başlayandan bu, mümkün deyil. Buna baxmayaraq, tərcüməçilər videokonfrans vasitəsilə kar insanlarla ünsiyyət saxlayırdılar. Bunun sayəsində onların ərsəyə gətirdikləri tərcüməni Zimbabvedə yaşayan çoxsaylı kar insanlar asanlıqla başa düşəcək.

Zimbabve filialının komitə üzvü Con Hunquka deyir: «“Məttanın müjdəsi”nin tərcüməsi ilə bütün Müqəddəs Kitabın tərcüməsinə start verildi. Layihəni başa vurmaq üçün, orta hesabla, on il lazımdır».

Bu tərcümə Yehovanın insanlara sevgisindən xəbər verir. «Hər xalqa, tayfaya, dilə və ümmətə... əbədi müjdə»ni təbliğ edən bizlər xeyir-dua üçün Ona üz tutmuşuq (Vəhy 14:6).