Qazanxanada isti su boruları izolyasiya edilir.

Geyinib-soyunma otağındakı duşxanalarda kafel-metlax işləri görülür.

İldırımötürücüsünün bir hissəsi olan ildırımqəbuledicilər quraşdırılır. Bu, binanın ildırımdan mühafizəsi sisteminin bir hissəsidir. İşçinin təhlükəsizliyini təmin etmək üçün onun təhlükəsizlik kəməri dama bərkidilib.

İşçilər şüşə arakəsmələri üzərinə xüsusi plyonka yapışdırmazdan əvvəl təmizləyirlər. Bu plyonkalar şüşəni daha aydın görməyə kömək edir ki, insanlar bilmədən şüşəyə dəyməsinlər.

İşçi drenaj sisteminin istismara hazır olduğunu yoxlamaq üçün kamera ilə ora baxış keçirir.

Dülgərlər yeməkxana və auditoriya kimi istifadə ediləcək çoxfunksiyalı məkanın divarına taxta üz çəkir. Bu məkanda başqa tədbirlər də keçiriləcək.

Landşaft dizaynerləri dayaq divarı boyunca həmin əraziyə xas olan kollar əkirlər.

Fasad işçiləri fransız balkonunun şüşə çəpərini quraşdırırlar. Bu çəpərlər işıq və havanın qarşısını almadan sakinləri qoruyur.

Elektriklər qəbul mərkəzinin yanındakı tavana işıq quraşdırırlar.

İşçi havalandırma kanalının artıq hissəsini metalkəsən qayçı ilə kəsir.

Bağbanlar və tikinti sahəsinin işçiləri ağaclar əkir və cığırlar hazırlayır. Solda yeməkxana, auditoriya və müxtəlif tədbirlər üçün istifadə ediləcək çoxfunksiyalı bina yerləşir. Arxa planda A yaşayış binası görünür.

Mühəndis çiləyici yanğınsöndürmə sisteminin elementlərini quraşdırır.

Bağbanlar qazon əkmək üçün torpağı hazır vəziyyətə gətirir. Arxa fonda ofis binasının pəncərələri yuyulur. Su yuxarıya şlanq vasitəsilə ötürülür.

İşçilər tökmə döşəmə tökür. Onlar rakellə döşəmənin səthini hamarlaşdırır, sonra da tikanlı valla hava qabarcıqlarını götürürlər.

İşçilər yeməkxana, auditoriya və müxtəlif tədbirlər üçün istifadə ediləcək çoxfunksiyalı məkanda vinil döşəmə vururlar. Səhnənin olacağı yerin arxa divarındakı akustik panellərə televizor ekranları quraşdırılıb.

Videostudiyanın yanında yerləşən qrim otağında dülgər güzgünün çərçivəsini vurur.

Dülgərlər çıxarılıb-taxılan ofis arakəsmələri üçün profilləri bərkidirlər. Bu arakəsmələr ofislərin sahəsini asanlıqla dəyişmək imkanı verir.

Podratçı videostudiyada asmazdan əvvəl dəmir tirlərin müxtəlif hissələrini birləşdirir. Bu tirlərə işıqlandırma avadanlıqları və kameralar bərkidiləcək.

Şimal tərəfdən yuxarıdan açılan görüntü. Solda: artıq hazır olan B, C, D, E, F yaşayış binaları. Mərkəzdə: tamamlanmaq üzrə olan A yaşayış binası və ofis binası. Sağda: tamamlanmaq üzrə olan cənub və şimal istehsalat binaları. Bütün sahədə yaşıllaşdırma işləri hələ də davam edir.

İşçilər qəbul mərkəzinin arxasındakı terrasa daş plitələr vururlar. Arxa planda: təzəcə vurulmuş plitələri təmizləyən işçilərin günəşdən qorunması üçün tentlər quraşdırılıb.