Изге Яҙма яҙылған осорҙа Алла ураҙа тотоуҙы хуплаған, әммә быны дөрөҫ ниәттән эшләргә кәрәк булған. Ә дөрөҫ ниәттән эшләнмәһә, Алла быны хупламаған. Ләкин хәҙерге заманда Изге Яҙма ураҙа тоторға ҡушмай ҙа һәм быны тыймай ҙа.

•   Алланың йүнәлеш һәм ярҙам биреүен теләгәндә. Иерусалимға сәйәхәт итеүсе кешеләр, Алланан ярҙам һорағанда эскерһеҙ булыуҙарын күрһәтеү өсөн, ураҙа тотҡан (Езра 8:21—23). Павел менән Варнава йыйылыштарҙа өлкәндәр билдәләгәндә ураҙа тотҡан (Ғәмәлдәр 14:23).

•   Иғтибарҙы Алла ниәтен үтәүгә туплағанда. Һыуға сумдырылғандан һуң Ғайса пәйғәмбәр, үҙен Алла ниәтен үтәргә әҙерләү өсөн, 40 көн ураҙа тотҡан (Лука 4:1, 2).

•   Гонаһтарынан тәүбә итеүҙе күрһәткәндә. Йәил пәйғәмбәр аша Алла тоғролоҡһоҙ израилдәргә: «Ураҙа тотоп, йәштәр түгеп һәм үкереп илап, бөтөн йөрәгегеҙ менән миңә боролоғоҙ», — тигән (Йәил 2:12—15).

•   Гонаһ йолоу көнөн байрам иткәндә. Алла Израиль халҡына биргән Ҡанунда йыл һайын Гонаһ йолоу көнөндә a ураҙа тотоу тураһында әмер булған (Левиттар 16:29—31). Ошо осраҡта ураҙа тотоу дөрөҫ булған, сөнки был израилдәргә гонаһлы һәм Алланың кисереүенә мохтаж булыуҙарын иҫтәренә төшөргән.

•   Башҡаларҙы таң ҡалдырыр өсөн. Ғайса пәйғәмбәр, ураҙа тотоу кешенең Алла менән генә мөнәсәбәтенә ҡағылған шәхси эш, тип өйрәткән (Матфей 6:16—18).

•   Үҙеңде тәҡүә итеп күрһәтер өсөн. Ураҙа тотоу кешене әхлаҡи һәм рухи яҡтан өҫтөн итмәй (Лука 18:9—14).

•   Белә тороп эшләнгән гонаһты ҡаплар өсөн (Ишағыя 58:3, 4). Алла тыңлаусанлыҡ һәм ысын күңелдән тәүбә итеү менән бергә барған ураҙаны ғына ҡабул иткән.

•   Дини йоланы үтәр өсөн (Ишағыя 58:5—7). Был йәһәттән Алланы атай кеше менән сағыштырып була: балалары үҙенә ихлас күңелдән түгел, ә тейеш булғанға ғына буйһонһалар, был уға оҡшамай.

 Юҡ. Алла израилдәргә Гонаһ йолоу көнөндә ураҙа тоторға ҡушҡан булған, ләкин Ғайса пәйғәмбәр тәүбә иткән кешеләрҙең гонаһтарын мәңгегә йолоп алғас, ураҙа тотоуҙың кәрәге бөткән (Еврейҙарға 9:24—26; 1 Петр 3:18). Гонаһ йолоу көнө Муса ҡанунының өлөшө булған, әммә бөгөн мәсихселәрҙән Муса ҡанунын үтәү талап ителмәй (Римдарға 10:4; Колосстарға 2:13, 14). Шуға күрә һәр мәсихсе ураҙа тоторғамы-юҡмы икәнен үҙе хәл итә (Римдарға 14:1—4).

 Мәсихселәр ураҙа тотоуҙың ғибәҙәттә ҙур роль уйнамағанын таный. Изге Яҙма ураҙа тотоуҙы бәхет менән бәйләмәй. Ә бына хаҡ ғибәҙәт ҡылыу шатлыҡлы итә, сөнки Инжилдә Йәһүә «мөбәрәк Алла» тип атала (1 Тимофейға 1:11; Вәғәзсе 3:12, 13; Галаттарға 5:22).

 Яңылыш фекер. Мәсихселәр Ғайса пәйғәмбәрҙең үлемен иҫкә алғанда ураҙа тоторға тейеш.

 Факт. Ғайса шәкерттәренә үлемен иҫкә алғанда ураҙа тоторға ҡушмаған (Лука 22:14—18). Үҙенең үлеменән һуң шәкерттәре ураҙа тотор тип әйткәндә, Ғайса әмер бирмәгән, ә нимә буласағын ғына әйтеп киткән (Матфей 9:15). Инжилдә Мәсихтең үлемен иҫкә алыу кисәһенә ас кешегә өйөндә ашап килергә кәңәш ителгән булған (1 Коринфтарға 11:33, 34).