Күп кешеләр тәрене христиан диненең символы тип һанай. Ләкин Йәһүә шаһиттары Аллаға ғибәҙәт ҡылғанда тәре ҡулланмай. Ни өсөн?

 Беренсенән, Изге Яҙмала яҙылғанса, Ғайса Мәсих тәрелә түгел, ә ябай ғына бер бағанала үлгән. Икенсенән, Изге Яҙмала: «Үҙегеҙҙе боттарҙан һаҡлағыҙ», — тигән ҡәтғи әмер бирелә, тимәк, ғибәҙәт ҡылыуҙа тәре ҡулланырға ярамай (1 Коринфтарға 10:14; 1 Яхъя 5:21, ЯДТ).

 Шулай уҡ Ғайса пәйғәмбәр былай тип әйткән: «Бер-берегеҙҙе яратыуығыҙҙан барыһы ла һеҙҙең минең шәкерттәрем булыуығыҙҙы белер» (Яхъя 13:34, 35). Был һүҙҙәр менән ул ысын мәсихселәрҙе тәре йә башҡа берәй әйбер түгел, ә фиҙаҡәр яратыу айырып торорға тейешлеген күрһәткән.