«Һинең Батшалығың килһен». Миллионлаған кеше ҡабатлаған доға
Ғайса пәйғәмбәр үҙенең Тауҙағы вәғәзендә шәкерттәрен: «Һинең Батшалығың килһен», — тип доға ҡылырға өйрәткән (Матфей 6:10). Быуаттар дауамында миллионлаған кеше шул һүҙҙәрҙе ҡабатлай.
Ғайсаның шәкерттәре уның Батшалыҡ хаҡында һөйләгәндәрен тәүҙә аңлап еткермәгән. Бер көндө улар былай тип һораған: «Раббыбыҙ! Һин Израиль батшалығын хәҙер яңынан тергеҙәсәкһеңме?» Ғайса теүәл яуап бирмәгәс, улар ғәжәпләнгәндер, моғайын (Ғәмәлдәр 1:6, 7). Был Алла Батшалығы хаҡындағы һорауҙарға яуап табып булмай тигәнде аңлатамы? Һис тә юҡ!
«Күҙәтеү манараһы» журналының ошо сығарылышы түбәндәге һорауҙарға яуап табырға ярҙам итер:
Ни өсөн беҙ Алла Батшалығына мохтаж?
Алла Батшалығының Батшаһы кем?
Алла Батшалығы ер менән ҡасан идара итә башлаясаҡ?
Алла Батшалығы нимә башҡарасаҡ?
Ни өсөн бөгөндән үк Батшалыҡ яҡлы булырға кәрәк?
Алла Батшалығы нимә ул?
Һеҙгә был да оҡшарға мөмкин
ИЗГЕ ЯҘМАНЫҢ ТӨП ТӘҒЛИМӘТТӘРЕ
Алла Батшалығы нимә ул?
Кешеләргә вәғәзләгәндә Ғайса күбеһенсә Алла Батшалығы тураһында һөйләгән. Бына инде быуаттар дауамында кешеләр был Батшалыҡтың килеүен һорап доға ҡыла.
